The kitchen || تجربتي معـ ||

THE KITCHEN || تجربتي معـ ||

وصلت لي دعوة من مطعم
THE KITCHEN { Abu Al Hasaniya }
المطعم كان فكرته التوصيل فقط في بداية مشوارة وصار لهم 3 سنين بالشعب البحري
اقترحو علية عملائه والي يحبونه انه يفتح مطعم ومع التفكير في هالاقتراح والالحاء من قبلهم
فكرو في افتتاح المحل يوم 23-9-2011
طبعا ما يستغنون عن الشيف عادله الشرهان في اخذ ارائها ومساعدتها في البحث عن التميز في قائمة الطعام
وكان هدفهم الرئيسي بالاكل انه يكون اكل يشابه اكل البيت وان كل الاكل يكون
HOMEMADE
صاحب المطعم الاستاذ محمد نبيل جعفر قرر ان يكون اول مطعم رسمي يستقبل روادة في منطقة الحصانية
منطقة المطاعم القادمة بقوة بالكويت
بعد ما توجهت لدي دعوة فضلت انه يكون الاكل فترة الغدى واليوم كان الموعد المترقب لتجربته
اول ما وصلت ولا الجو كان ايين اخترت اقعد برة

Tijoe Mathew George وكان باستقبالي
قعدنا نتكلم عن البلوقات وعن المطعم
والحلو انه كانو مختارين لي الاطباق الي اجربها
التفاصيل بالمطاعم دايما تشدني حبيت طريقة التقديم

وبدات الطلبات تنور الطاولة
اول الواصلين
Falafel With tabouleh

هذي تقدم للجميع عبارة عن فلافل وتبولة واايد حلوة وخاصة الصلصات

وبدا الهجوم عليها


انا حدي مستمتعه فيها وبطريقتها


APPETIZERS وبعدين
Toast rolls with mushrooms

هذي اسميها مو صج لانها واايد حلوة وخطيرة وصج انصحكم فيها مع الصلصات

Que sadillas

في منها نوعين نوع مع الدجاج والنوع الثاني مع الخضروات
جربتهم وكلهم لذيذين على طريقة الخبز وايد خفيفة فحبيت طريقتها
وجان اسوي ستوب واخذ قسط من الراحة
بهذي الحالة شسوي غير اقوم اصور المطعم من الداخل



استانس على الستاف المرح

والحلو ان تشوفون الشيف واهو يحضر الاطباق


وبنت عمي حست في البرد وطلبت شاي مع النعناع
واول ما وصلت حبت طريقته وانا حبيت الفنتق وطريقتة تقديمة

ويا الحين وقت
HOMEMADE PIES ركن
Vegetable pie

وايد حلوة والحلو فيها خفيفه
adoola's lasagna

على اسم الشيف عادله
Classic Beef burger with all the work

HOMEMADE %100 هذي
البرجر من خلطة المطعم السريه والذيذة والحلو يسونها فريش
نرد ناخذ قسط من الراحة ونصور المطعم بجم زاوية


واخر طبق
New style roast lamb with Fried rice with garlic and coriander

rice هذا حلو والي حبيتة اكثر الـ

طريقتة وايد حلوة
الحين عاد انا لازم احلي
Tijoe وهذا الطبق من اختيار
Chubby balls

تدرون انة هذا الطبق فاز بالمرتبة الاولى بالكويت

وتدرون انة هذا الطبق من اختراع اخت صاحب المطعم كانت تسوية بالبيت

وتدرون انه هذا الطبق اقوى طبق ذقته من رحلاتي لتجاربي للمطاعم
ما اقدر اقول غير تسلم ايد الي اخترعتها
وبالنهاية تم تصوير الستاف عربون شكر لجهودهم

Tijoe Mathew George وبالنهاية احب اشكر الزميل
على روحة وعلى كلامة بحق البلوق فعلا كان يوم ممتع وجميع ورائع واحب اشكر صاحب المطعم على اختيارة المدونة فشكرا من القلب الي القلب
وبالنهاية جان يصور بلوقي مع المطعم

وودعت المطعم على وعد لزيارة ثانية

http://www.nawafnet.ws/msg-5036.htm