تعال ياماجد تعال .....

[الســــيف]

ارحب يابو نايف اقرب نفداك ..


تعال ياماجد تعال الشعر له طعم وطراه = لاصار معك الشاعر اللي كل معنى يفهمه
اسمع كلامي وافهمه وانته ماتبغالك وصاه = يالشاعر اللي فوق راس النايفه رز..اعلمه

[سيـــ المعاني ـــف]

هلا ومرحبا
والله انك ناراٍ نكرا يالسيف مير استلم :)



حاضر وماجد فاللزوم قريبٍ للي بغاه = يرقى مع اهل الطيب فوق أبـ مصعده وبسلمه

ياراعي البيت السميك اللي يبين من بناه = هات العلوم اللي تبيها دام كل ٍ بـ قلمه

[الســــيف]

طيب طيب استلم استلم وخطك طويل .

ياللي بنيت البيت ليت الريح لاهبت علاه = ماختل بنيانه وربي من خطرها سلمه
اشوف برق\ اسمع رعد والغيم لبّد في سماه = والبيت لاتبنيه في وسط المسيله تهدمه

[بدر المهري]

ياسلام ياسلام


يالله ياشعار تراناااا متابعين
وصح لسانكم جميييع

ولا تبطون على الصفوف ترى توهم متغدين والوقفه تتعبهم

[سيـــ المعاني ـــف]

الله الله


استلم


انا اشهد ان البيت بنيانه حجر والا صفاه = ما أهتز لو ان المسيلة بين (طلحه و سلمه)
وانا تراي اشوف مثلك بس في أي اتجاه = تبغى توجها .. ولو الناس مثلك مسلمه

[الســــيف]

الله ----------------- الله


مادام بنيانه حجر فالله يعلي مستواه = كل ٍ على شوفه يبا يتعب ركابه وقدمه
الذيب يوم انه عوى بالله وش سبة عواه؟ = يمكن يبا يسكت ليا حطيت لحمه في فمه

[الســــيف]

مرحبا بك يابدر وبمتابعتك .
وجودك يزيدنا حماس ويخليني اكسر راس ماجد زين هههههههههه

[بدر المهري]

عساك على القوه يالسيف

لكن ماجد عقب الشاورما .. يتغير

يصطفق :)

انتبه منه
هههههههه

[عمر الدغيلبي]

الله الله

بيض الله وجيهكم على المحاوره الرائعه

ياراعي البيت السميك اللي يبين من بناه
هات العلوم اللي تبيها دام كل ٍ بـقلمه

ــــــــــــــــــــــــــــــــــــــــ ـــــــــــــــــــــــــــــــــــــــ .. !

الذيب يوم انه عوى بالله وش سبة عواه؟
يمكن يبا يسكت ليا حطيت لحمه في فمه

ــــــــــــــــــــــــــــــــــــــــ ـــــــــــــــــــــــــــــــــــــــ .. !


تحياتي للجميع

[ابو فهد]

انا اشهد ان البيت بنيانه حجر والا صفاه
________ما أهتز لو ان المسيلة بين (طلحه و سلمه)
-----------------------------
مادام بنيانه حجـر فالله يعلـي مستـواه
________كل ٍ على شوفه يبا يتعب ركابـه وقدمـه

السيف وماجد شدوا حيلكم ترانا نتابعكم بقوه .

[حشيم]

ياراعي البيت السميك اللي يبين من بناه
هات العلوم اللي تبيها (( دام كل ٍ بـقلمه))

الله الله

يعني مافيه الاستعانه بصديق ؟؟؟

هههههه

صححححححح لسسسسسسسسسان الشاعرين
وفي انتظار الجوله الثانيه

[سيـــ المعاني ـــف]

بدر مرحبا فيك



يا عمي اي شورما <<<<< مقاطعها علشان الانفلونز
وبعدين هذا تشجيع ....... احس انك مايلين مع السيف

[سيـــ المعاني ـــف]

السيف والله انت ما تكسر / تقص
بس الله يعينا عليك :) بناقف لك والميدان يا حميدان

[سيـــ المعاني ـــف]

ابن حويفر والعديم


مروركم يزيدنا شرف

تحياتي لكم

[سيـــ المعاني ـــف]

استلم استلم





الطيب اللي ما يبا الا الطيب يالله تحماه = والا الردي يلقى عيالاً فـ المواقف تخزمه

الذيب ما يرضى بميسور الطعام اليا لفاه = وان عاش راسي لا لفاني والله اني لكرمه

[حشيم]

شب عليه
عطه القاز

هههههههههه

[الســــيف]

يالله حيهم كلهم كل منكم له حق والله جمعكم في حقن واحد
هههههههههه
>>>>حشيم الله يستر من تشجيعك شكلك من جمهور ماجد المتهور
سعدنا بتواجدك .

[سيـــ المعاني ـــف]

حشيم >>>> مافيه اتصال :)

فيه مساعدة جمهور بس ولاهنتم على المتابعه

[الســــيف]

هالله ............... هالله

:) --------------- :)

اهب ياماجد هذا يالله تكافينا بلاه = اثره خطير ومن تعرض في طريقه يدعمه
لو كل رجل ٍ ياقوي العرف تمشي في هواه = خسران والمشروع ماحققت لو ربع اسهمه

[سيـــ المعاني ـــف]

:)


الله ... الله


قد قالت : الامثال شخصٍ يحلقك منه اشتباه = ان ما رفعته فوق والا ياعميلي حطمه

انته مساهم محترف فالسوق في وسط الهواه = وش نظرتك فالسوق يومنك تجي في مطعمه

[الســــيف]

ياسلام ياسلام .


التاجر اللي مايحاول كيف يكسب لعملاه = مثل البخيل اللي ظهر بخله ولا شيف اكرمه
هذي تراها نظرتي والسيف لاتبحث خفاه = وانته تعرف السيف لشتد المواجه يحسمه

[بدر المهري]

ياااسلااااااااااااااااااااااااااام

محاوره حامية الوطيس

غلطاااااااااااان ياللي تعبي بنزين 91

ههههههههههههههههههههههه

<< متابع وبشغف

[الســــيف]

هلا يابو فيصل
انت بس لاتقاطع وحتشوف العجايب هههههه
الليل ياماجد

[الوزن الثقيل]

الله,,,,,,,,,,الله ,,,,,,,,,,,الله


السيف



ماجد بن نايف



لاهنتو يا الشعار مبدعين انتم والله هذا الاناسه والا بلاش


ومتابعين ومطفين الانوار ياسلام

عسى الله يكثر من امثالكم
:mad::p:(

[سيـــ المعاني ـــف]

ول ول
هذا والله الليل :)


استلم استلم




كم واحدٍ وده يطب السوق ويحده غلاه = والا انت \ مثل اللي يبانا عن مراده نفطمه

لاصار بيتك من زجاج وليه تحذف بالحصاه = ترا العرب ما هيب عجزانه ترد وترجمه

[سيـــ المعاني ـــف]

هلابكم جميعاً


:) معليش عـ التاخير كنت طالع للشباب

[مشعل ابن صياله]

الله الله ابداع قووووي
وانا متابع وفي صفك يابو نايف ولايهون السيف

[الســــيف]

خلووووها

انته ياماجد كل ماقلت لك كلمه قلت هاه = غديت مثل الكوري اللي كل هرجه تمتمه
لكن جاك العلم لاتغفل عن افروض الصلاه = اللي حفظ فرض الصلاه ارجي من الله يرحمه


صح لسانك ياجزل واللعب معك له طعم خاص
شكرا لك وللاخوان الذين اضفوا على جمال المحاوره جمال اخر .

[الســــيف]

ابن الهيلا و ومشعل
شكرا لكم من الاعماق على تواجدكم .

[مشهور بن مساعد]

والله رووووعة ولاهنت يابونايف عز الله انك ابدعت والشاعر السيف عز الله انه شاعر رد من الطراز الأول.

[سيـــ المعاني ـــف]

صح بدنك يالسيف

والشرف لي نتعلم منك ويسعدني تواجدك شاعر بحجمك في شبكة الدغالبه


مشعل الحمدان
لاهنت وااافي دائماً وجودك تتويج للمحاوره

مشهور بن مساعد
اسعدني مرورك كثيراٍ ودمت على الود يالغلا :)

[مرزوق حمدان العتيبي]

...
.
ماشاء الله تبارك الله واصلوا ...
وانا في صفك ياماجد
>>>>> كنه مايدري ان المحاوره خلصت هههههه

[سيـــ المعاني ـــف]

هلا يابو منذر <>>>>>>>>>>>> ايه ما جاءكم البرد لها الحين
مساءك فل يا كبير :) وشرفتنا بمتابعتك

[فـــزاع]

شعراء المحاورة

السيف

ماجد بن نايف


ننتظر المزيد عاشو الشعار ومحاورة ممتازة :D :) :confused::eek:



تقبلو مرورى ***** الوافى*****

[الســــيف]

مشعل الحمدان
مشهور بن مساعد
مرزوق العتيبي
الوافي
كل الشكر والتقدير على زيارتكم وتحفيزكم .

[زائــر]

الله يعطيك العافية

[سيـــ المعاني ـــف]

السيف
من الشعراء المميزين الذين افتقدناهم