اقرب ياحشيم

[مشعل ابن صياله]

ســـــلام اللــه بــرديه تــدك الــبـــيد والــــضـلعان /////////////////////يجـــيب الماء من الباطن ومــوجه كنه دوامه

ينوب القرم عن من غاب من ربعه سوات سنان /////////////////////ســنان السيــف أبو حـدين لا من قـص للهامه

[حشيم]

سوري يامشعل كنت اتعشى :)

استلم

هلا يامرحبا مليون يامشعل ولد حمدان
..................... تراحيب (ن) تبل كبود وتداوي من حيامه
قريت الحمد والكرسي تعوذنا من الشيطان
.................... وانا مدري من المسلم وعن كيفية اسلامه

[مشعل ابن صياله]

سرا جن يصيح الليل من برزان الى همدان /////////// سبح سبع البحور اللي تساوت عنده القامه
حشيم الوقت فيه اسرار والسرحان للسرحان ////////// عسى الميدان يلبس يارفيع القدر له خامه

[سيـــ المعاني ـــف]

.
.
.

متابع :)

[حشيم]

يقولون البرد هشم ضلوع الشاوي الفسقان
................. سرح في غيمة(ن) ترزم عليه .. ودكت عظامه
تحدى قدرة الله يوم ربك مانواه احسان
.................... حذف عمره على جال الطريق وضاعت احلامه

[مشعل ابن صياله]

اعس الدار واثر الدار معدومه من السكان //////////// ولا شفنا لها مرسم يا كود حبال في خيامه

تلوى في هبوب الــريح والغيمه لها شفقان ///////////// عجيبه هاذي الغيمه بلا براق ورزامـــه

[مشعل ابن صياله]

عجــــــل ياحشـــيم والا دقرت معك هههههههههه

[عمر الدغيلبي]

الله الله


متـــــــــــابــــــــع

.

[~•» ṭ3ḃŋε ğђℓαҝ •}]

ماشاء اللة كل يوم نكتشف شاعر من الاعضاء<<<<<<<<<<<<<<<<<<<<<<<<<








متـــــــــــــــــــــــــــــابـــــــ ــــــــــــــــــــــــــــــــــــــــ ـــــــــــــــــــع
بـــــــــــــــحـــــــــــــــــــــــ ــــــمـــــــــــــــــــــــــــــــــ ــــــــــــــاس

[حشيم]

ههههههه
الله يمتحنك يامشعل :)

صبحتنا الساعه اربع الفجر وتقول دقرت ههههههه

ايبالله دقرت

تشرفت باللعب معك وتراني منيب شاعر محاورات بس احيانا انقز في الحلق

تحياتي يالقرم

[مشعل ابن صياله]

حياك الله ياحشيم وش جاك يابن العم تهيضني وتروغ عني اقل شي كان اعتذرت ذاك اليوم
لكن الوعد قدااااااااام ياحشيم انت تقول انك منت شاعر وانا اقول مافيك حيله ياحشيم الا شاعر وبيوتك قووويه وانا اجيزك وفالك البيرق