عمر الدغيلبي
07-22-2009, 01:05 AM
السلام عليكم ورحمة الله وبركاته
أسعد الله مسائكم بكل خير
نقدم لكم قصيدة الأستاذ الشاعر الباحث / فارس بن مدالله الدغيلبي
في قبيلة الدغالبه
قصيدة طويله يمدح بها الشاعر قبيلة الدغالبه ويمدح شيخهم وفارسهم الأسطوره / خزام المهري
ويذكر بها بعض الوقائع التاريخيه المشهوره لفرسان قبيلة الدغالبه ولأمجاد هذه القبيله العريقه
إليكم هذه المعلقه :
البارحة جتني هجوسي مناويب = وإستلهم الفـكر المعنا غرامه
أجيب بعض أحيان وأحيان ماجيب = وجلست لين الليل قفا ظلامه
ورد البيوت المقفيات المصاعيب = اللي لها بالشعر رسم وعلامه
هو منيتي ومناي عند المواجيب = والرجل لامن قال يحمى كلامه
أتعب على الفكره وغيري تواعيب = والنقد جائز والتكبر رخامه
والشعر وهبه من جزيل المواهيب= اللي يصيب أدناه واللي سنامه
وإن جيت للواقع بشتى الأساليب = من الماضي الماثور حتى ختامه
بذكر فعول مطوعين الأصاعيب = ربع(ن) لهم في قمة المجد قامه
تاريخهم من قبل عصر الكتاتيب = وقبل الخوان وقبل حرب الرغامه
يكتب بفعل منزحين الأجانيب = الأد منعر عز منهم إحــزامه
غزواتهم يشبع بها النسر والذيب = كم شيخ قوم(ن) وسدوه العدامه
والليا وقفوا من دون حرش العراقيب = يروون حد الزان والا حسامه
والليا لحقوا من فوق قب(ن) مداريب = إلهم على راع المجوخ ضرامه
رجالهم يارد على الموت لاهيب = يوم(ن) ولد الآش تبرد عظامه
يقودهم شيخ(ن) عريب المناسيب = هو الزعيم ويستحق الزعامه
خزام ستر(ن) للبني الرعابيب = وخزام خيال الظعن والجهامه
عدا بربعه فوق روس المراقيب = زود(ن) على الظفران طيب وقرامه
والفعل ثابت بالسيوف المحاديب = في نجد صلنا من جنوبه لشامه
وبالشرق والا لاتجهنا مغاريب = نلبس وقار الطيب من كل خامه
ويا سائلي بعطيك نبذه وتقريب = لوكان ماتحصا فعول الشهامه
عدوبنا الغلبا وحنا الغواليب = وحزنا الأصايل بالفعول الجسامه
صرنا على الغازين شر وعواقيب = والشيخ طاح وطيحته مستدامه
وذعار يوم إنه لحق بالمطاليب = في ثار أخوه وصامل(ن) فإنتقامه
صار العشا لمعكفات المخاليب = بمشوك(ن) يفضا العظام إلتحامه
وغنا بنا الهيضل وجاله مجاويب = ربع(ن) يضدون الضديد بصرامه
ردوا عليه البل وزادوا على الطيب = وعاداتنا بالطيب ناخذ وســامه
وفعلن لجدي يوم وقت المكاسيب = يوم(ن) عج الخيل ثور عسامه
فادى بنفسه دون شول الأقاريب = والجمع من رمحه تغير نظامه
وثلاثة الشيخان ردوا مصاويب = وغنت مويضي تمدحه في مقامه
وعبدالله الرجعه عطيب المضاريب =يوم إقتحم وش جاه عقب إقتحامه
أضحى عليه من الجوارح لواعيب = وعضت عليه من النواجذ ندامه
وإبن قويد اللي يقود الأشانيب = فالمعترك قامت عليه القيامه
امسى على راسه يجر التقانيب = ذيب(ن) بعد جوعه تحقق مرامه
وإللنا مع العجمان وقفه وتحزيب = هاك النهار اللي شديد إحتدامه
يوم(ن) إبن جمعه يجر المحاريب = حنا على البيداء قصرنا حلامه
قول الحقيقة مانقول الأكاذيب = الكـذب ما تبنى علينا خــيامــه
ونشرب إلليا عالوا علينا الشواريب = بمجمع(ن) مثل موج البحور إلتطامه
ولانقدم الهزله ولا نقبل العيب = ونجنح لسلم أهل الوفا بإستقامه
وللجار عز وللمسير مراحيب = ثنتين من مبدأ الكرم والكرامه
عشنا على الدنيا يدينا مساليب = نبذل ولا نخشى كلام الملامه
ودخيلنا يدخل ولا يلحقه ريب = يدخل بسلم ويهتني بالسلامه
فزنابها يوم الليالي شواهيب = واليوم زاح الشر وأقفا غمامه
نذعن لشرع الله وحكم المعازيب = والمحترم يفرض علينا إحترامه
احترامي
أسعد الله مسائكم بكل خير
نقدم لكم قصيدة الأستاذ الشاعر الباحث / فارس بن مدالله الدغيلبي
في قبيلة الدغالبه
قصيدة طويله يمدح بها الشاعر قبيلة الدغالبه ويمدح شيخهم وفارسهم الأسطوره / خزام المهري
ويذكر بها بعض الوقائع التاريخيه المشهوره لفرسان قبيلة الدغالبه ولأمجاد هذه القبيله العريقه
إليكم هذه المعلقه :
البارحة جتني هجوسي مناويب = وإستلهم الفـكر المعنا غرامه
أجيب بعض أحيان وأحيان ماجيب = وجلست لين الليل قفا ظلامه
ورد البيوت المقفيات المصاعيب = اللي لها بالشعر رسم وعلامه
هو منيتي ومناي عند المواجيب = والرجل لامن قال يحمى كلامه
أتعب على الفكره وغيري تواعيب = والنقد جائز والتكبر رخامه
والشعر وهبه من جزيل المواهيب= اللي يصيب أدناه واللي سنامه
وإن جيت للواقع بشتى الأساليب = من الماضي الماثور حتى ختامه
بذكر فعول مطوعين الأصاعيب = ربع(ن) لهم في قمة المجد قامه
تاريخهم من قبل عصر الكتاتيب = وقبل الخوان وقبل حرب الرغامه
يكتب بفعل منزحين الأجانيب = الأد منعر عز منهم إحــزامه
غزواتهم يشبع بها النسر والذيب = كم شيخ قوم(ن) وسدوه العدامه
والليا وقفوا من دون حرش العراقيب = يروون حد الزان والا حسامه
والليا لحقوا من فوق قب(ن) مداريب = إلهم على راع المجوخ ضرامه
رجالهم يارد على الموت لاهيب = يوم(ن) ولد الآش تبرد عظامه
يقودهم شيخ(ن) عريب المناسيب = هو الزعيم ويستحق الزعامه
خزام ستر(ن) للبني الرعابيب = وخزام خيال الظعن والجهامه
عدا بربعه فوق روس المراقيب = زود(ن) على الظفران طيب وقرامه
والفعل ثابت بالسيوف المحاديب = في نجد صلنا من جنوبه لشامه
وبالشرق والا لاتجهنا مغاريب = نلبس وقار الطيب من كل خامه
ويا سائلي بعطيك نبذه وتقريب = لوكان ماتحصا فعول الشهامه
عدوبنا الغلبا وحنا الغواليب = وحزنا الأصايل بالفعول الجسامه
صرنا على الغازين شر وعواقيب = والشيخ طاح وطيحته مستدامه
وذعار يوم إنه لحق بالمطاليب = في ثار أخوه وصامل(ن) فإنتقامه
صار العشا لمعكفات المخاليب = بمشوك(ن) يفضا العظام إلتحامه
وغنا بنا الهيضل وجاله مجاويب = ربع(ن) يضدون الضديد بصرامه
ردوا عليه البل وزادوا على الطيب = وعاداتنا بالطيب ناخذ وســامه
وفعلن لجدي يوم وقت المكاسيب = يوم(ن) عج الخيل ثور عسامه
فادى بنفسه دون شول الأقاريب = والجمع من رمحه تغير نظامه
وثلاثة الشيخان ردوا مصاويب = وغنت مويضي تمدحه في مقامه
وعبدالله الرجعه عطيب المضاريب =يوم إقتحم وش جاه عقب إقتحامه
أضحى عليه من الجوارح لواعيب = وعضت عليه من النواجذ ندامه
وإبن قويد اللي يقود الأشانيب = فالمعترك قامت عليه القيامه
امسى على راسه يجر التقانيب = ذيب(ن) بعد جوعه تحقق مرامه
وإللنا مع العجمان وقفه وتحزيب = هاك النهار اللي شديد إحتدامه
يوم(ن) إبن جمعه يجر المحاريب = حنا على البيداء قصرنا حلامه
قول الحقيقة مانقول الأكاذيب = الكـذب ما تبنى علينا خــيامــه
ونشرب إلليا عالوا علينا الشواريب = بمجمع(ن) مثل موج البحور إلتطامه
ولانقدم الهزله ولا نقبل العيب = ونجنح لسلم أهل الوفا بإستقامه
وللجار عز وللمسير مراحيب = ثنتين من مبدأ الكرم والكرامه
عشنا على الدنيا يدينا مساليب = نبذل ولا نخشى كلام الملامه
ودخيلنا يدخل ولا يلحقه ريب = يدخل بسلم ويهتني بالسلامه
فزنابها يوم الليالي شواهيب = واليوم زاح الشر وأقفا غمامه
نذعن لشرع الله وحكم المعازيب = والمحترم يفرض علينا إحترامه
احترامي