وين أنت يا سلطان أمك تناديك

[عمر الدغيلبي]

السلام عليكم


هذه القصيده لعجوز يقالها ( أم حمدان ) أدخلها ولدها في دار العجزه

تقول أم حمدان في قليل الخاتمه :


وين انت يا حمدان امـك تناديـك .. وراك مـا تسمـع شكايـا وندايـا

يا مسندي قلبي على الدوم يطريـك .. ما غبت عن عيني وطيفك سمايـا

هذي ثلاث سنين والعيـن تبكيـك .. ما شفت زولك زايـر يـا ضنايـا

تذكر حياتي يـوم اشيلـك واداريك . . والاعبـك دايـم وتمشـي ورايـا

ترقد على صوتي وحضني يدفيـك .. ما غيرك احدٍ ساكن فـي حشايـا

واليا مرضت اسهر بقربك واداريك .. ما ذوق طعم النوم صبـح ومسايـا

ياما عطيتك من حنانـي وبعطيـك .. تكبـر وتكبـر بالأمـل يـا منايـا

لكن خساره بعتني اليـوم وشفيـك .. واخلصت للزوجه وانا لي شقايـا

انا ادري انها قاسيـه مـا تخليـك .. قالت عجـوزك مـا ابيهـا معايـا

خليتني وسط المصحه وانا ارجيك .. هذا جزا المعروف وهـذا جزايـا

يـا ليتنـي خدامـة بيـن اياديـك .. من شان اشوفك كل يوم برضايـا

مشكور يا ولدي وتشكر مساعيـك .. وادعـي لـك الله دايـم بالهدايـا

حمدان يا حمـدان امـك توصيـك .. اخاف من تلحق تشـوف الوصايـا

اوصيت دكتور المصحه بيعطيـك .. رسالتـي واحروفهـا مـن بكايـا

وان مت لا تبخل علـي بدعاويـك .. واطلب لي الغفران وهـذا رجايـا

وامطر تراب القبر بدموع عينيـك .. ما عـاد ينفعـك النـدم والنعايـا


وهنا للإستماع إلى الشيله مع إختلاف الاسم


http://www.w7m.org/2008/Jan/1233873039.mp3


للحفظ (http://www.w7m.org/2008/Jan/1233873039.mp3)

[ابن النعيري]

آه ثم آه

والله بكيتني يا عمر

أبيات تلين لها القلوب بل الصخور , وترق لها الأفئده بل الجبال

لاهنت يا تاج راسي

[زائــر]

بارك الله فيك ياعمر قصيدة في غاية الروعة ومحزنة

[مطلق بن محمد]

مشكور على القصيدة المعبرة والمحزنة

[ولد الاجواد]

والله حزنتني يعطيك العافية على القصيدة

[الجوهرة]

قصيدة محزنة ولكنها في الوقت نفسة تبعث الهمم لبر الوالدين

جوزيت خيراً

[عمر الدغيلبي]

بالتأكيد قصه حزينه ومؤثره تدمع لها الأعيان

وأبيات أم حمدان كما قلت يابن النعيري تلين لها الصخور

والله يجعلني وياكم والمسلمين اجمعين ممن يبرون في والديهم في حياتهم وبعد مماتهم

ومشكورين جميعا ً على المرور