محمد المجفن
09-15-2008, 10:15 PM
اكيد انكم تذكرون وش وقفنا عنده جاكم الفرج
انتهى الجزء الاول من قصتنا عندما
عرضت الخيل قدام ابو زيد ويوم شاف الخيل والفرسان نسي نفسه وانطنخ معها فارس وشاف الخيل والفرسان ولا له في شغلة القدور
جاه العلام وسأله قبل ما يقطع راسه من انت شاف ابوزيد انه تورط ولا له غير الاعتراف قال ابو زيد اقول وتعاهدني ما تذبحني قال العلام اعاهدك(وكان العهد هو كل شيء عندهم)
قال انا ابو زيد وعلمه بالقصه
طبعا العلام مضى منه عهد انه ما يذبحه ولا يقدر يخليه في الديار ثم يسال ليه ما ذبحته
قال العلام انا الليله بجهز لك مزهب وذلول تنحاش عليها بس تعاهدني انك اذا غزيتونا ما تذبحني ولا اذبحك ودي اشبع من الطراد ومن ذبح الفرسان من قومك وعاهده ابو زيد على انه ما يقابله بالسيف فالحرب.
يوم جا الليل ركب ابو زيد الذلول وتوجه لاهله ويقال انه اخذ ثلاثه اشهر من بعد المسافه لين وصل اهله .
يوم وصل ابوزيد لنجد وقابله الامير وشاف عياله مارجعوا وعرف انهم في سجن الزناتي صاح بقومه وامرهم انهم يشدون الرحال بحلالهم وحريمهم حتى ما يذكرون ان وراهم شي يرجعون له او يتحسفون عليه .
ورد احد شعرائهم يقول
رحلنا ولا ابقينا بنجـدٍ حسوفـه=سوى عيلمٍ بيـن اللـوا وزرود
والفين ورد الما والفين صـدره=والفين مـا بيـن العـدام ورود
تراه بواد الشري ياجاهلن بهـا=عليها النـواز النايفـات شهـود
ترد لها تسعين من جلـد بكـره=وتسعين مع تسعين جلـد قعـود
لا زاد ورده زاد ميـاح جـمـه=عـدٍ ليـا حـرك تـراه يـزود
دفناه عن نـاسٍ تـولاه بعدنـا=شحـاحٍ ولا بالطايـلات تجـود
بذرنا عليه الجود لين امحلت به=سنين القسى ما لجلجن برعـود
ورحنا وعنه النفس ماهيب طايبه=عسانا ليا عاد السحـاب نعـود
عسانا نعود ونبتها يكسي الوطـا=ومن عشب ترمسها عليـه ورود
غربيها زيزا بها الريـم والمهـا=وشرقيهـا يـذرا عليـه نفـود
عسى إله الكون يسقـي ترابهـا=وعليها بدهم الممطـرات يجـود
حيث انها تالد بها شمـخ الـذرا=ونصيهـا للصافـنـات مــدود
رحلوا الهلاليه وطبعا معهم حلفائهم بني زعب ( قبلية زعب ) وما خلوا وراهم احد الا عليا مرة ابوزيد الهلالي لانهم قبل لا يرحلون كان فيه مشكله بين اهلها وبين بني هلال وكانت عند اهلها في نفس الوقت ورفضوا انها ترجع لبني هلال لين يجي ابوزيد ويحل المشكله ويوم جاهم ابوزيد بالاخبار وعرف ان عليا عند اهلها تركها على امل انه يرجع لها اذا خلص من مشكله الزناتي وجماعته .
مشت ركايب الهلاليه وخيلهم وكان ابوزيد يردد ابيات يقول فيها
يقول ابو زيـد الهلالـي سلامـه=تجار نجد( ن) هالني كبر زومهـا
يقولون ذا ونقول لا ثـم ننثنـي=لحاجاتنا ناطا الغلا من حكومهـا
عفا الله عني ليلـه بـت ساهـر=بجو السميراء بت اساهر نجومها
بـت لكنـي شـارب قرقفـيـه=امدفقه فيها الافاعـي سمومهـا
نفسي تمنيني علـى ذبـح خيـر=على غير حق اوهمه من اوهومها
وهو يذبح الكوما الى قلص القرا=ولا قال يكفي درها عن لحومهـا
ولولاه مـا بتنـا بنجـد عشيـة=ولا وقفت زلباتنا فـي حزومهـا
وهو حسن الشده وحسن الرخـا=وهو اميرنا في جميـع علومهـا
ولو العجوز العامريه مـا ارثـت=لنا حسـن كنـا جميـع نلومهـا
في طريقهم مروا على العراق وكان فيه حليف لهم يقال له عامر الخفاجي وكان امير قبيلته وكان له قصر معروف باسم الاخيضر نزلوا عند الخفاجي ماكتب لهم من ايام واكرمهم ويوم ننوا الرحيل الى تونس ما قدر الخفاجي يصبر يوم شاف الخيل والفرسان وشاف بنات بني هلال حب انه يشارك معهم ويكسب سمعه جهز نفسه ومن معه من ربعه ويوم نوا يمشي منعته امه ولا امتنع وقامت تلحقه وتلح عليه يجلس ما سمع كلامها
وقال فيه واحد من ربعه
ولد الخفاجي راح وامه تـذوده=خذن قلبه بالمنـى والمواعيـد
يبغى يطلع مع هل الخير جوده=ورث لنا قصر الاخيضر وعربيد
( عربيد ) ثعبان ضخم كان يربيه الزناتي في قصره
.
.
.
العلام بعد ان شك من ابوزيد قال لابنته
ياخوفتي من ذالعبد يابنتي ‘‘ لونه ابوزيد المكّار
فقالت
يابوي لاتذبحون ضيوفكم=ياتيلكم وسط القبايل عار
قال
ياخوفتي منذ العبد يابنتـي=جنوبه من لبس الدروع كبار
فقالت
يابوي ذا عبد على باب تاجر=جنوبه من مكل العصيد كبار
وكان ابوزيد مسمي نفسه جلاّل’’’
،،،،،،،،،،،،،،،،
كما ان بني هلال قبل الدخول على الزناتي اختلفو على من يتكلم امام الزناتي
حيث اعتذر ابوزيد بقوله ان الزناتي لاشافني اسود اخذها علي حجه،
وبعد اعتذار ذياب بقوله انا ينعقد لساني بعد خمسين محراف
ولكن وقع الاختيار على ابوزيد وكان دون الزناتي باب لايدور الا بزند اربعين رجال ،
بعد ما اقتربوا بني هلال من تونس ارسلوا مرسولهم للزناتي يبلغه انهم وصلوا واذا ما فك المساجين وسمح لحلالهم يرعى في دياره انهم بيصبحونه
دخل المرسول على الزناتي و قال :
جينا نبي المرعى ونسكن عندكم=سلام منـا ياذيـاب المغاربـه
فقال الزناتي
لاهوب لاهلا وهـوب مرحبـا=من وين جيتوا ياكلاب الشعايبه
فقال ابوزيد
صيروا لنا حضر ٍ وحن بدوُ لكـم=نرعى سوى والعشب ساب سايبه
فقال الزناتي /
يالعبد يالخنزير يامخنز القفى=وشبك تكلم كن الاسود غايبه
فقال ابوزيد بعد ان غضب وكان من الناس اللي مايمسكون انفسهم عند الغضب
انا اكفيهم في هاذي وفـي مثلهـا=ولا جاء نهـار كاثـرات نشايبـه
غير الوعد من بينّا شـرق قابـس=ومن غاب منّا حسّن الموس شاربه
وكان الزناتي ذا شنب طويل وبعضهم بالغ في طوله وقال انه يربطه بفرسين والله اعلم
رجع الهلالي لربعه وبلغهم ان الزناتي يتحدى ولا يبغى الصلح
جهزوا الهلاليه انفسهم وخيلهم وعدتهم وعزلوا له تسعين الف من فرسانهم وفي مقدمتهم الامير حسن بن سرحان وابو زيد الهلالي وخلوا بعض الفرسان عند الحلال والحريم والعبيد حمايه واذا احتاجوهم ارسلوا لهم
ومنهم ذياب بن غانم(بناخي ابو زيد) .
هجموا على الزناتي وربعه واستمرت معاركهم شهر ما ردوا خبر للي وراهم من فرسان ولا بلغوا اهلهم عن كل اللي يصير معهم
بعد شهر قتل اكثر الفرسان من الطرفين وارسلوا الهلاليه مرسولهم يستنجد بباقي الفرسان وكان المرسول عبد من عبيد بني هلال واسمه سعد
اول ما وصل سعد لربعه استقبله ذياب بن غانم وكان صغير ما عمره شارك في معركه
قال ذياب
ياسعد خبرني ولا تكن مـا جـرا=عن الخيل والفرسان من جا خيارها
انشدك عن سابق بدير بـن وايـل=هي من طوال الخيل او من قصارها
قال سعد
يا سيدي سابق بدير بن وايل=ضربت بسيف هد عالي فقارها
يقصد انه قتل
قال ذياب
انشدك عن عيال الزعابى الثلاثه=هم عزوتي يا سعد من خيارها
قال سعد
يا سيدي كل الثلاثه ذبحـوا=ما جيتك الا قد توافت عمارها
قال ذياب
انشدك عن ولد الخفاجي عامر=عساه سالم من بلاوي اخطارها
قال سعد
ثلاثين يوم( ن ) حام الترك عامر=ولك الله ما يعرف ليلها من نهارها
ومن ذبحته كل النسا زاد حزنهـن=يهلن على قبر الخفاجي عبارهـا
قال ذياب
لا حلكـم لا بلكـم وابــل الحـيـا=يقطع نجوع ( ن ) ما ثنت دون جارها
زعل ذياب وضرب العبد بعقب الرمح وجهز نفسه للغزو مع باقي الفرسان وكان ابوه ماله غيره وكان كبير سن وقعد يوصي ذياب ويقول له تجنب الزناتي والعلام وهو يوصيه سمعته ام ذياب وردت عليه بها الابيات وقد سلف الذكر على ان ابوه رخمه ماينفع في سبع المذاهب
لا تردي ابني يا هدانـي مقصـر=عساك عن بـرد الجنـان تغيـب
عساك يا ابني وان تداريت عنهم=شلفاه تخطيهـم وفيـك تصيـب
تباعد عنا يا ذيـاب بـن غانـم=له حربة ( ن) تدع الوليد يشيـب
له حربة ( ن) ما ياقع الطل فوقها=عشاه مـن دم الرجـال غصيـب
الجزء الثالث سوف تعرفون ماذا فعل ذياب وماذا قالت الصفيرا بنت الزناتي عن ذياب وماهي القصائد التي قيلت في ذياب والتي قالها بنفسه والاروع من ذلك قصيده الزناتي
والله اني قريتها اكثر من مره ولامليت منها لما فيها من الامتاع. !!!!!!
انتهى الجزء الاول من قصتنا عندما
عرضت الخيل قدام ابو زيد ويوم شاف الخيل والفرسان نسي نفسه وانطنخ معها فارس وشاف الخيل والفرسان ولا له في شغلة القدور
جاه العلام وسأله قبل ما يقطع راسه من انت شاف ابوزيد انه تورط ولا له غير الاعتراف قال ابو زيد اقول وتعاهدني ما تذبحني قال العلام اعاهدك(وكان العهد هو كل شيء عندهم)
قال انا ابو زيد وعلمه بالقصه
طبعا العلام مضى منه عهد انه ما يذبحه ولا يقدر يخليه في الديار ثم يسال ليه ما ذبحته
قال العلام انا الليله بجهز لك مزهب وذلول تنحاش عليها بس تعاهدني انك اذا غزيتونا ما تذبحني ولا اذبحك ودي اشبع من الطراد ومن ذبح الفرسان من قومك وعاهده ابو زيد على انه ما يقابله بالسيف فالحرب.
يوم جا الليل ركب ابو زيد الذلول وتوجه لاهله ويقال انه اخذ ثلاثه اشهر من بعد المسافه لين وصل اهله .
يوم وصل ابوزيد لنجد وقابله الامير وشاف عياله مارجعوا وعرف انهم في سجن الزناتي صاح بقومه وامرهم انهم يشدون الرحال بحلالهم وحريمهم حتى ما يذكرون ان وراهم شي يرجعون له او يتحسفون عليه .
ورد احد شعرائهم يقول
رحلنا ولا ابقينا بنجـدٍ حسوفـه=سوى عيلمٍ بيـن اللـوا وزرود
والفين ورد الما والفين صـدره=والفين مـا بيـن العـدام ورود
تراه بواد الشري ياجاهلن بهـا=عليها النـواز النايفـات شهـود
ترد لها تسعين من جلـد بكـره=وتسعين مع تسعين جلـد قعـود
لا زاد ورده زاد ميـاح جـمـه=عـدٍ ليـا حـرك تـراه يـزود
دفناه عن نـاسٍ تـولاه بعدنـا=شحـاحٍ ولا بالطايـلات تجـود
بذرنا عليه الجود لين امحلت به=سنين القسى ما لجلجن برعـود
ورحنا وعنه النفس ماهيب طايبه=عسانا ليا عاد السحـاب نعـود
عسانا نعود ونبتها يكسي الوطـا=ومن عشب ترمسها عليـه ورود
غربيها زيزا بها الريـم والمهـا=وشرقيهـا يـذرا عليـه نفـود
عسى إله الكون يسقـي ترابهـا=وعليها بدهم الممطـرات يجـود
حيث انها تالد بها شمـخ الـذرا=ونصيهـا للصافـنـات مــدود
رحلوا الهلاليه وطبعا معهم حلفائهم بني زعب ( قبلية زعب ) وما خلوا وراهم احد الا عليا مرة ابوزيد الهلالي لانهم قبل لا يرحلون كان فيه مشكله بين اهلها وبين بني هلال وكانت عند اهلها في نفس الوقت ورفضوا انها ترجع لبني هلال لين يجي ابوزيد ويحل المشكله ويوم جاهم ابوزيد بالاخبار وعرف ان عليا عند اهلها تركها على امل انه يرجع لها اذا خلص من مشكله الزناتي وجماعته .
مشت ركايب الهلاليه وخيلهم وكان ابوزيد يردد ابيات يقول فيها
يقول ابو زيـد الهلالـي سلامـه=تجار نجد( ن) هالني كبر زومهـا
يقولون ذا ونقول لا ثـم ننثنـي=لحاجاتنا ناطا الغلا من حكومهـا
عفا الله عني ليلـه بـت ساهـر=بجو السميراء بت اساهر نجومها
بـت لكنـي شـارب قرقفـيـه=امدفقه فيها الافاعـي سمومهـا
نفسي تمنيني علـى ذبـح خيـر=على غير حق اوهمه من اوهومها
وهو يذبح الكوما الى قلص القرا=ولا قال يكفي درها عن لحومهـا
ولولاه مـا بتنـا بنجـد عشيـة=ولا وقفت زلباتنا فـي حزومهـا
وهو حسن الشده وحسن الرخـا=وهو اميرنا في جميـع علومهـا
ولو العجوز العامريه مـا ارثـت=لنا حسـن كنـا جميـع نلومهـا
في طريقهم مروا على العراق وكان فيه حليف لهم يقال له عامر الخفاجي وكان امير قبيلته وكان له قصر معروف باسم الاخيضر نزلوا عند الخفاجي ماكتب لهم من ايام واكرمهم ويوم ننوا الرحيل الى تونس ما قدر الخفاجي يصبر يوم شاف الخيل والفرسان وشاف بنات بني هلال حب انه يشارك معهم ويكسب سمعه جهز نفسه ومن معه من ربعه ويوم نوا يمشي منعته امه ولا امتنع وقامت تلحقه وتلح عليه يجلس ما سمع كلامها
وقال فيه واحد من ربعه
ولد الخفاجي راح وامه تـذوده=خذن قلبه بالمنـى والمواعيـد
يبغى يطلع مع هل الخير جوده=ورث لنا قصر الاخيضر وعربيد
( عربيد ) ثعبان ضخم كان يربيه الزناتي في قصره
.
.
.
العلام بعد ان شك من ابوزيد قال لابنته
ياخوفتي من ذالعبد يابنتي ‘‘ لونه ابوزيد المكّار
فقالت
يابوي لاتذبحون ضيوفكم=ياتيلكم وسط القبايل عار
قال
ياخوفتي منذ العبد يابنتـي=جنوبه من لبس الدروع كبار
فقالت
يابوي ذا عبد على باب تاجر=جنوبه من مكل العصيد كبار
وكان ابوزيد مسمي نفسه جلاّل’’’
،،،،،،،،،،،،،،،،
كما ان بني هلال قبل الدخول على الزناتي اختلفو على من يتكلم امام الزناتي
حيث اعتذر ابوزيد بقوله ان الزناتي لاشافني اسود اخذها علي حجه،
وبعد اعتذار ذياب بقوله انا ينعقد لساني بعد خمسين محراف
ولكن وقع الاختيار على ابوزيد وكان دون الزناتي باب لايدور الا بزند اربعين رجال ،
بعد ما اقتربوا بني هلال من تونس ارسلوا مرسولهم للزناتي يبلغه انهم وصلوا واذا ما فك المساجين وسمح لحلالهم يرعى في دياره انهم بيصبحونه
دخل المرسول على الزناتي و قال :
جينا نبي المرعى ونسكن عندكم=سلام منـا ياذيـاب المغاربـه
فقال الزناتي
لاهوب لاهلا وهـوب مرحبـا=من وين جيتوا ياكلاب الشعايبه
فقال ابوزيد
صيروا لنا حضر ٍ وحن بدوُ لكـم=نرعى سوى والعشب ساب سايبه
فقال الزناتي /
يالعبد يالخنزير يامخنز القفى=وشبك تكلم كن الاسود غايبه
فقال ابوزيد بعد ان غضب وكان من الناس اللي مايمسكون انفسهم عند الغضب
انا اكفيهم في هاذي وفـي مثلهـا=ولا جاء نهـار كاثـرات نشايبـه
غير الوعد من بينّا شـرق قابـس=ومن غاب منّا حسّن الموس شاربه
وكان الزناتي ذا شنب طويل وبعضهم بالغ في طوله وقال انه يربطه بفرسين والله اعلم
رجع الهلالي لربعه وبلغهم ان الزناتي يتحدى ولا يبغى الصلح
جهزوا الهلاليه انفسهم وخيلهم وعدتهم وعزلوا له تسعين الف من فرسانهم وفي مقدمتهم الامير حسن بن سرحان وابو زيد الهلالي وخلوا بعض الفرسان عند الحلال والحريم والعبيد حمايه واذا احتاجوهم ارسلوا لهم
ومنهم ذياب بن غانم(بناخي ابو زيد) .
هجموا على الزناتي وربعه واستمرت معاركهم شهر ما ردوا خبر للي وراهم من فرسان ولا بلغوا اهلهم عن كل اللي يصير معهم
بعد شهر قتل اكثر الفرسان من الطرفين وارسلوا الهلاليه مرسولهم يستنجد بباقي الفرسان وكان المرسول عبد من عبيد بني هلال واسمه سعد
اول ما وصل سعد لربعه استقبله ذياب بن غانم وكان صغير ما عمره شارك في معركه
قال ذياب
ياسعد خبرني ولا تكن مـا جـرا=عن الخيل والفرسان من جا خيارها
انشدك عن سابق بدير بـن وايـل=هي من طوال الخيل او من قصارها
قال سعد
يا سيدي سابق بدير بن وايل=ضربت بسيف هد عالي فقارها
يقصد انه قتل
قال ذياب
انشدك عن عيال الزعابى الثلاثه=هم عزوتي يا سعد من خيارها
قال سعد
يا سيدي كل الثلاثه ذبحـوا=ما جيتك الا قد توافت عمارها
قال ذياب
انشدك عن ولد الخفاجي عامر=عساه سالم من بلاوي اخطارها
قال سعد
ثلاثين يوم( ن ) حام الترك عامر=ولك الله ما يعرف ليلها من نهارها
ومن ذبحته كل النسا زاد حزنهـن=يهلن على قبر الخفاجي عبارهـا
قال ذياب
لا حلكـم لا بلكـم وابــل الحـيـا=يقطع نجوع ( ن ) ما ثنت دون جارها
زعل ذياب وضرب العبد بعقب الرمح وجهز نفسه للغزو مع باقي الفرسان وكان ابوه ماله غيره وكان كبير سن وقعد يوصي ذياب ويقول له تجنب الزناتي والعلام وهو يوصيه سمعته ام ذياب وردت عليه بها الابيات وقد سلف الذكر على ان ابوه رخمه ماينفع في سبع المذاهب
لا تردي ابني يا هدانـي مقصـر=عساك عن بـرد الجنـان تغيـب
عساك يا ابني وان تداريت عنهم=شلفاه تخطيهـم وفيـك تصيـب
تباعد عنا يا ذيـاب بـن غانـم=له حربة ( ن) تدع الوليد يشيـب
له حربة ( ن) ما ياقع الطل فوقها=عشاه مـن دم الرجـال غصيـب
الجزء الثالث سوف تعرفون ماذا فعل ذياب وماذا قالت الصفيرا بنت الزناتي عن ذياب وماهي القصائد التي قيلت في ذياب والتي قالها بنفسه والاروع من ذلك قصيده الزناتي
والله اني قريتها اكثر من مره ولامليت منها لما فيها من الامتاع. !!!!!!