سلام تسليمة وفاء ياماجد

[الســــيف]

سلام تسليمة وفا والخير من رب ٍ كريم = واللي يبا روس الجبال النايفه يصعد لها
تعال ياماجد نبا معك المعاني تستقيم = بعض العرب ياطيبها بعض العرب ياخبلها

[سيـــ المعاني ـــف]

يامرحبا يالسيف ترحيب ً يقال من الصميم = من شاعراٍ غنا .. وصلفات الطواري شلها


السوق فيه الطيبه يتعب لها الرجل الفهيم=والا على ما قيل جنب .. فالطريق وخلها

[الســــيف]

دام البقا لكن يارجال وسط الجو غيم = وام الكباير عذربت بعد الغلا في رجلها
اثر المعرفه لهلها واثر الغاشمه للغشيم = واشره على اللي مثل هذي نام ماحسب لها

[سيـــ المعاني ـــف]

تبغى اصراحه يلعن الله كل شيطان ٍ رجيم = ما للحمول ...! الا الجمال اللي تبا تشتلها
والمعرفه تمشي عليها للصراط المستقيم = يالسيف خل الحب في جوف الرحاء وافطن لها

[~•» ṭ3ḃŋε ğђℓαҝ •}]

يالشاعـرين اللي يتـابعكم تـرى ماهـو غشـيم
لاكن يهنيكم على دق البيوت وجلها
ويامرحبا بالشاعرين في هالمسار المستقيم
وللة يقويكم على رد البيوت وشلها
اعذروني على المداخلة وصح اللة لسانكم وننتظر ماسكين الصفوف

[الســــيف]

وش لون بالله تعتقد ينفخ بلا برطم شريم = الناس ماتجهل ترى ميل الامور وعدلها
راع القصيم الواجب انه مايروح من القصيم = الهينه يقدر لها والكايده ماهو لها

[الســــيف]

مشكور يافتى الجبيل ماقصرت

[سيـــ المعاني ـــف]

تر الكلام اللي تقوله يعتبر عندي عظيم = احسب حساب الناس يارجال ما اطبلها
راع القصيم يشجع الرايد وانا احب الزعيم = والمشكله ياصاحبي ما جيتك اطلب حلها

[سيـــ المعاني ـــف]

فتي الجبيل تشرفنا بمتابعتك

وشكراٍ على المداخله

[الســــيف]

إمع احترامي لك ترى اللي قلت ماهوب بسليم = لكن لا تغتر في زيف الضعوف ودجلها
من قبل ماتحكم تحقق زين وافهم يافهيم = هذا هو المطلوب في نقض العلوم وفتلها

[عبـــ عباس ـدالله]

يسلالالالام على الجزالة والمعاني القوية


ونحن متابعين

[~•» ṭ3ḃŋε ğђℓαҝ •}]

متاااااااااااااااابع.................... ................................

[سيـــ المعاني ـــف]

صح لسانك يالسيف وتشرفت

بالعب معك ومع شاعر كبير في مستواك


كل الحب والتقدير

[ابوذعار]

ياسلام ياسلام

[الســــيف]

الشرف لنا ياماجد ومشكور على ماقدمت
وكل الشكر للاخوان المتابعين وفرصه سعيده.

[حشيم]

بيض الله وجيهكم
محاوره استمتعت بها
لاهنتو جميع

[عمر الدغيلبي]

بيض الله وجيهكم

على المحاوره الرائعه

اللي استمتعنا بها جميعا

ولو انها كانت من غير صفوف ههههههههه

لكن خيرها بغيرها ان شاء الله

تحياتي