هب البراد واللحاف التحفته

[محمد الدغيلبي]

زلت ليال القيض وسهيـل شفتـه
وهب البراد وكثروا اهل المطاليع
البرد جانـا واللحـاف التحفتـه
واللي يشب النار بكّـر بتسريـع
يازين فنجال ٍ مع الصبح حفتـه
يصبغ شقاره لو ينوش الاصابيـع
مقند ٍ مـن كـل نـوع ٍ نصفتـه
عليه من كيف النشامـا تناويـع
صبّيت فالفنجال منّـه ونصفتـه
يجلا عماس اهل القلوب المواليع
قدوعنا تمر الحسا مـع خصفتـه
جابوه تجار الفلـوس الطماميـع
يامرحبا بالطارش اللـي عرفتـه
راع الونيت اللي لفانا مع الريـع
ياطا شخانيب الحصا مع جرفتـه
مايتبع السكه يعـرف المهازيـع
ساعة وقف جبت الخروف ونسفته
نشريه للضيفان ماهـوب للبيـع
مانيب اجنّب موقف ٍ قـد وقفتـه
سلمٍ لنا ماهـوب تـوه تطابيـع
الرزق من مد البشر في صحفتـه
يبحل بها من جابهـا بالمشاريـع




الشاعر عبدالله بن حثلان السبيعي رحمه الله[/size][/font][/center]

[نايف بن ضويحي]

صح لسانه
يعطيك الف عافيه
تحياتي لك

[سيـــ المعاني ـــف]

ياسلام ياسلام

قصيده عذبه وجميله لك كل الشكر

على هذا الطرح ولا هنت

[الماصول]

صح لسانه ويعطيك العافيه ابو تركي

[محمد الدغيلبي]

الجميع مشكورين على المرور

لكم فائق احترامي

[مشعل ابن صياله]

مانيب اجنّب موقف ٍ قـد وقفتـه
سلمٍ لنا ماهـوب تـوه تطابيـع







لاهنت يابو تركي وصح لسان قايله وبيض الله وجهك علي الطرح الجميل

[محمد الدغيلبي]

شكرا لمرورك اخوي مشعل


لك فائق احترامي