عسى تسليمتي تلقى قبوول!

[سهيل مقحم]

السلام عليكم ورحمة الله وبركاته
والله يمسيكم بالخير جميعا ً طارووق للفائده

سلام تسليم ً ليا قلته يحصله قبول=تسليم من جوده تجود الناس والمخرج والملي
ودي ليا غنيت يلعب معي زحل من الزحول=اقولها وانتم كفو والله على خلقه ولي

[سيـــ المعاني ـــف]

مرحبا يابو جاسم
الله يمسيك بالنور يالذيب واستلم وعذرا على التاخير ..



يا مرحبا ترحيبة حسب العوايد والا صول = تلمع مثل لمع الذهب والماس .. والمخرج ملي
انته ليا غنيت نسمع يالعتيبي وش تقول = عساك دايم فا البحر غطاس .. والمخرج ملي





..

[تركي متلع القبع]

الله الله
الله الله
مبدعين دايم ولاهنتم

[ضا111مي]

الله يعطيكم العافيه

وصح لسانكم *

[سهيل مقحم]

الله الله
الله الله
مبدعين دايم ولاهنتم

الابدااااع مرورك

طال عمرك..

لاخلا ولاعدم

[سهيل مقحم]

الله يعطيكم العافيه

وصح لسانكم *

الله يعافيـك ولايهينك

وصح بدنك

ولاخلا ولاعدم

[سهيل مقحم]

استلم ياسيف المعـاني

وخلك متواجد لاهنت


يالشاعر المبدع ليا قست الاوادم بالعقول=لقيت حاضً فاضيً جوفه وحاض ً ممتلي
اما انت ياماجد ولد نايف كرمت عن الخبول=فعلك رفع قدرك ومقدورك وحضك معتلي

[سيـــ المعاني ـــف]

الله الله
استلم


تدري وش اللي يصدم التفكير ويجيب الذهول = لا شفت لك عاقل ويضحك بالضعيف المبتلي
وانته يابو جاسم كفوا تنطح ثقيلات الحمول = وتشيل ما شال الجمل يا سهيل وحزامك ملي

مرحبا بجميع المتابعين
ولا خلا ولا عدم

[سهيل مقحم]

الله الله استلم


العاقل الي يعرف المخراج قدام الدخول=وانا اعرف الي لي مع العالم واعرف الي علي
اسئلك ياربي تثبتنا على نهج الرسول=والحق مثل النور لو دونه ستاره ينجلي

[سيـــ المعاني ـــف]

يا سلام يا سلام

استلم


من يفرقون العود الازرق عن دخونٍ ومعمول = يعطيهم الله في نظرهم لين يملون الدلي
مافيه خامس فصل يحسب في مسارات الفصول = لكن فسر سورة الرحمن والمتزملي

[سهيل مقحم]

الله الله
طيب طيب

[سهيل مقحم]

ندري ويدري من يجيب العلم ويعرف الحلول=والوازع الديني يفرق بين عقلي وجهلي
بعض القضايا لو تجيب شهود تبغالك عدول=ولا غدا حقك ولو انك تقول الحق الي

[سيـــ المعاني ـــف]

طيب طيب

............

[سيـــ المعاني ـــف]

استلم



الكذب حبله يا طويل العمر عمره ما يطول = اخذ الصحابة قدوةٍ لك مثل ابو بكر وعلي
القاعده هشة وطبع الهش فالدنيا يزول = والسالفة ما هيب حكراً في مطيري وسهلي

[سهيل مقحم]

تبقى دائم ً مبدع
صح للسانك ولاهنت
وتشرفت باللعب مع شاعر ً بحجمك يعلم الله
الليل سرا وانا بكره وراي مسراح
ولاكان عطينا الطاروق للين يشيب

لكن الجيات اكثر
وشكرا ً على كل من مر هناااا
وتصبحون على خير

[سيـــ المعاني ـــف]

صح بدنك يابو جاسم
وانت احد اعلام هذا المنتدى الذين نفخر بهم وشهادتك اعتز فيها ووسام على الصدر
وانت احد الا سماء التي يستفيد منها سيف المعاني في كل طاروق

ماقصرت وبيض الله وجهك
وتمس على خير

[البتار]

صحت السنكم

طاروق فاخر من طراز النخبة

لاهنتم

[الزعيم]

صحت ألسنتكم شعارنا
ودام إبداعكم

[بعيد الهقاوي]

صح السنتكم جميع طاروق جدآ ممتع

[سيـــ المعاني ـــف]

صحت السنكم

طاروق فاخر من طراز النخبة

لاهنتم

صح بدنك يالبتار
ومتابعة شعراء النخبة شرواك تضفي عليه الجمال
كل الشكر والتقدير

[سيـــ المعاني ـــف]

صحت ألسنتكم شعارنا
ودام إبداعكم


الشاعر المبدع الزعيم
صح بدنك ودام تواجدك
كل الشكر والتقدير

[سيـــ المعاني ـــف]

بعيد الهقاوي

صح بدنك ، والروعه تواجدك وحضورك

[تركي متلع القبع]

صحتا السنتكم
وبيض الله وجيكهم
على الطاروق الرائع

[سهيل مقحم]

سيف المعاني لاهنت طال عمرك
والفايده بلا شك لي انا وجهك ابيض
البتار
صح بدنك ولاهنت شرفتنا بحضور
الزعيم
صح بدنك ولاهنت

والابداااع تواجدك ومرورك طال عمرك

بعيد الهقاوي
صح بدنك ولاهنت والابداع مرورك

[سهيل مقحم]

راعي الجبيل

صح بدنك ولاهنت وجهك ابيض

شكرا ً للجميع الذين عطرو المتصفح بمرورهم الكريم

[مرزوق ناصر الدغيلبي]

طاروق قوي

صح لسانك يا ماجد وصح لسانك ياسهيل بن مقحم

[سهيل مقحم]

مرزوق الدغيلبي

صح بدنك وحياك الله ولاهنــت طال عمرك

[خيال السميرا]

طاروق قوي .. وصح لسان الشاعرين
سهيل مقحم وسيف المعاني

[سهيل مقحم]

صح بدنك ولاهنت

ومشكور على المرور الذي عطر الصفحه