سلامٍ له نوافذ بدون ابواب

[سيـــ المعاني ـــف]

صباحكم خير
أستاذي القدير ومشرفنا العام البتار تفضل ..
والله يجملنا في هذا الطاروق معك ..


سلامي سلامٍ له نوافذ بدون ابواب = وابعرف من البتار بابه ومفتاحة
تغيب النجوم ونجمنا فالسماء ماغاب = يحب السهر ما يعرف النوم والراحة

[عبدالله المجفن]

بداية جميلة جداً..بإنتظار البتار..
صحت ألسنتكم مقدماً.

[البتار]

مساكم الله بالخير

واسف على التاخير بسبب عطل الشبكة

وحي الله سيف الشعر وأنا لست إلا تلميذ صيغير في مدرسة الشعر

واستلم طال عمرك



هلا مرحبا حييت ونكرر الترحاب=وباب الكرم مفتوح والنفس مرتاحه
ما دام الجدي ما غاب والراس ما قد شاب=بحيل الله إليفرض وجودة على الساحة

[سيـــ المعاني ـــف]

هلا وغلا
بالاستاذ عبدالله المجفن متابعتك شرف يا سيدي
شاكرين ومقدرين لك

[سيـــ المعاني ـــف]

الله يبقيك ويسعد لي مساك
كلنا ننتسب تحت ظلها وهذا من تواضعك الجم يا شاعرنا


يدوم البقاء يالشاعر المبدع اللعاب = من اعماق قلباً مد خوخة وتفاحه
تقدم عساك الليله اتحصل الاعجاب = وانا وانت معنا فالبحر ناس سباحه






..

[البتار]

الله الله


ترا ما علاكم زود حراً ولك مخلاب=وتاجر مع التجار مضمونه ارباحه
يا راع الوشم وش صار لديس والحلاب=علوم العرب واجد من الجوف للباحه

[تركي متلع القبع]

طاروق ممتاز وجاء في وقته
مبدعين دايم

[سيـــ المعاني ـــف]

ابو متلع لاهنت على مرورك

[سيـــ المعاني ـــف]

الله الله

استلم


انا يوم اعدي يا صحيبي على المرقاب = اشوف النداوي كاسراً يم ملواحه
تقولة وانا ما باقي الا آخذ المشعاب = اجاهد زماني .. قبل يعطيك مسباحه

[البتار]

الله الله

استلم


عسا الدلو يملا يا ولد قربة الجذاب=ومن لا يعرف الدرب لا يامن الطاحه
اثر جرحك الدامي لها الحين ما قد طاب=يبي طب شعبي ما يبي موس وجراحه

[البتار]

عبدالله المجفن
أبو متلع

الله لا يهينكم على التشريف
و حسن الأطراء
ومتابعتكم دافع حقيقي

[سهيل مقحم]

صحت الالسن والقلوووب

مبدعين وممتعين

ومحراف عمالقـه

واصلووو وحنا متابعين

[سيـــ المعاني ـــف]

الله الله



يبى الله يغنينا من الوابل الصباب = بعد نواً بروقة لها فالمدى ضاحه
انا ماحسبت حساب ابو زيد والا ذياب = ولكني احسب ..! والمخاليق فضاحة

[سيـــ المعاني ـــف]

صحت الالسن والقلوووب

مبدعين وممتعين

ومحراف عمالقـه

واصلووو وحنا متابعين


يا مرحبا يابو جاسم
ومشكوور على الاطراء وشهادتك محل فخر واعتزاز

[سهيل مقحم]

انا ماحسبت حساب ابو زيد والا ذياب
ولكني احسب ..! والمخاليق فضاحة

كفوووو

واصلو الابداااااااع

[البتار]

الله الله

استلم


يا سيف المعاني قدم دربك سنون الداب=وأنا اعرف سنون الداب بالسم نضاحه
انا خابر انك كفو وتسد عن من غاب=لكن دنيتك قامت تمرجح بمرجاحه

[البتار]

صحت الالسن والقلوووب

مبدعين وممتعين

ومحراف عمالقـه

واصلووو وحنا متابعين


صح بدنك

والله لا يهينك

ولا علاك زود يا عملاق

[سيـــ المعاني ـــف]

استلم





علامك على الليله تثور الاعصاب = وتعرف خويك لافزع جاك بسلاحه
ترى لو جاملتك وقلت (الهواء غلاب) = عرفنا علي بابا . . وبانلك مصباحه

[البتار]

صح السانك يا ماجد

شاعر جزل دائم

لاهنت

[سيـــ المعاني ـــف]

صح بدنك يالبتار
وبصمة المبدع توضح في تركيب الابيات
شكراً لهذا المحراف
ولك تحياتي وتقديري