سيف وش تسوي قدم خيال السميرا ؟

[خيال السميرا]

السلام عليكم ورحمة الله وبركاته
كل عام وانتم بخير وعافية جميعا
الشاعر سيف المعاني نبي معك معايده



قوم يا سيف ونبي منك الصراحه = وش تسوي قدم خيال السميرا ؟
دام طيري بالسعد يكفخ جناحه = ما نتظر فزعه وزير ولا مديرا

[وليف الجرح]

الله الله

صح السانك يا خيال

وبصفك في هالطاروق ، الليل الليل

نبيها نارية :)

[سيـــ المعاني ـــف]

وعليكم السلام

الظاهر ان الشعار متواصين علي ، الله يحييك يا خيال ويحيي المعايده :)
والله يعينا عليك شكلك داخلاً حامي عقب العيد

[خيال السميرا]

حياك الله ياوليف الجرح عادك لها الحين وليف الجرح
نتشرف بمتابعتك ,,, وابشر بالسعد
الله يبقيك ياسيف ولا بعد جاك شي من الشعار
وانت مثل الجمل,,,,,,

[ضا111مي]

صح لسانك واعتلا شانك
ياخيال السميرا وفي صف السيف جعله ما يهون

[سيـــ المعاني ـــف]

استلم :



كل قِدراً فيه يابن الناس فاحة = حكمة فالوقت كالبدر المنيرا
لا تحسب أني محطة واستراحه = فك قوسين وبها (وضعك خطيرا)

[خيال السميرا]

صح بدنك ياضااامي
والسيف عنده فك اقواس ووضعه خطير جدا
طع شوري وخلك في صفي
ههههههه

[خيال السميرا]

راسي من العقل مليانٍ رجاحه=من مقابيس الظفر فارس واميرا
ابن عون اليا بغى ينقل سلاحه= ياعتيبه قدمكم شرا شريرا

[سيـــ المعاني ـــف]

استلم


سيف ماله فالمهايط و البجاحه = حاملاً للمسك .. لا نفاخ كيرا
عزوتي من دونها قومة وطاحه = نتعب اهل الخيل لاجانا النذيرا

[سيـــ المعاني ـــف]

وليف الجرح
ضامي
اشكر لكم متابعتكم وحضوركم الكريم

خيال السميرا لا تروع الجماهير ... :) ترا بنبلغ الانتر بول عليك يصدر مذكرت اعتقال

[سهيل مقحم]

صحت السنتكم ولاهنتوووو

محرااااااااف من العيار الثقــيل

ولازلنا ننتظر المزيد من التواصل والابـدا11ع

[خيال السميرا]

سيف مايفرح عليّه في نجاحه=لو يطبل فوق راسه كل زيرا
علم اللي مايجيدون السباحه=لا يطبون البحر ! موجه غزيرا

[خيال السميرا]

شكرا على متابعة المتابعين

[سيـــ المعاني ـــف]

الوسايل كلها الليله متاحه = لو نولعها عبوس(ن) قمطيريرا
كل بحارا درس فن الملاحه = والمراكز بين الاول والاخيرا



سهيل ابن مقحم
يا مرحبا ومتابعتك شرف

[نايف الدغيلبي !]

الله الله
صح ألسنتكم ياشعارنا
وأنا في صف سيف
:d

[البتار]

صحت السنكم

وشكلها قابسه من اول بيت :confused:

الله يستر لا يجي ضرب مشوك :D

[سهيل مقحم]

الله يشرف مقدارك يابو نايف

ولازال الابداااااااااااع مستمر

وانا في صفك ولا يهون اخوي المبّدع خيال السميرا

[سيـــ المعاني ـــف]

نايف الدغيلبي !

أرحب ، مرحبا فيك ، ووجودك ومتابعتك تعطي افضلية للعبور للجولة النهائية :)

[سيـــ المعاني ـــف]

8
8
8


صح بدنك يالبتار :)

لازالت المباراه في الوقت الاساسي وان شاء الله ننهيها قبل الاشواط الاضافية :d
بس على ما قالوا المطاوعه نبي (تكبير) :d

[سيـــ المعاني ـــف]

ابو جاسم حي هالراس والله

لاهنت عل المتابعة المستمره ، وجودك هو الدافع الحقيقي للابداع اصلاً

[خيال السميرا]

صحت ابداانكم جميع
متابعتكم شرف لنا
يالبتار= من يوم عيدنا والشياطين كلها محضره الله يكفينا الشر
(والتكبير) ماله الأ (التهليل)

[خيال السميرا]

بيني وبينك مسافات ومساحه=اخذها مني الضلع القصيرا
احمد الله ماضرينا بالفلاحه=ننحت من الصخر شراً مستطيرا

[سيـــ المعاني ـــف]

استلم



كانها جت للبلاغة والفصاحة = نجد تفرق عنك يا تهامة عسيرا
تاخذ الموضوع في جية وراحه = كنك اللي جايبن راس البعيرا

[نايف الدغيلبي !]

الله الله

متابعين والله يستر مع هالقايلة
http://www.koreanbeast.com/images/smilies/k-3/joorri_%20(28).gif
http://www.koreanbeast.com/images/smilies/k-3/joorri_%20(218).gif

[خيال السميرا]

الله الله

استلم

البعير شعيل ماهو في مراحه=راسه اللي صار مجهول المصيرا
الجمل لاطاح كثرتوا رماحه=يذبحه كثر الرغا عقب الهديرا

[سيـــ المعاني ـــف]

استــــلم




كل جرح(ن) جاه دكتور الجراحه = أسال اللي في مجالاته خبيرا
يتعبون اهل الطراد بكل ساحه = دام سيف العز بيدينا شطيرا

[خيال السميرا]

بينن جهد المعنى من كفاحه=يالرحاة اللي علينا تستديرا
ما تزحزح لو تمنون الازاحه=ثابتن في جنب ضلع النير نيرا

[خيال السميرا]

صح لسااااانك ياسيف المعاني

وانت دكتور المعاني

وسلامتك وسلامة المتابعين والصفوف
وشكراً ,,,,,,,, تحياتي للجميع

[سيـــ المعاني ـــف]

ما يهم انته ضلع (والا) براحه = منزلك في الارض منته فالخضيرا
عقب هذا البيت ما عاد الك راحه = وعداً اخذته من احساس وضميرا

[سيـــ المعاني ـــف]

صح لسااااانك ياسيف المعاني

وانت دكتور المعاني

وسلامتك وسلامة المتابعين والصفوف
وشكراً ,,,,,,,, تحياتي للجميع

الا صح لسانك انت ، عزا الله انك كفوا ، وتحرج اللي يقابلك ، شاعر متمكن وشهادتي فيك مجروحه
وهذا الطاروق اعتبره درس في فنون المحاوره
بين قوسين مره اخرى (السلامه منك غنيمة) ، وتمس على خير انت والجميع ...

[سيـــ المعاني ـــف]

نايف الدغيلبي !

مابعك شرف لنا ولا هنت يا ذيبان على المتابعه المستمره
والقايله عدت على خير بدون ضربات شمس تذكر :)

[عمر الدغيلبي]

الله لا يهينكم جميع

وصح السنتكم يا الشعّار

وافين و أمتعتونا بذا الطاروق المنتاز :)

[سيـــ المعاني ـــف]

صح بدنك يا عمر
( مدري ليه احس في كلمة منتاز بلى ) ^_^ + :)

[بعيد الهقاوي]

خيال السميراء******ســـــــ المعاني ـــيف

بيض الله وجيهكم ولاهنتو على الطاروق المليان

محاوره اعتبرها من اقوى المنازلات بين الشاعرين

بالعربي سكب بيوت من الوزن الثقيل

تحياتي لكم

[سيـــ المعاني ـــف]

خيال السميراء******ســـــــ المعاني ـــيف

بيض الله وجيهكم ولاهنتو على الطاروق المليان

محاوره اعتبرها من اقوى المنازلات بين الشاعرين

بالعربي سكب بيوت من الوزن الثقيل

تحياتي لكم


بعيد الهقاوي

صح بدنك وشهادتك وسام يا الغالي
والمعذره على التاخير بالرد
ومدام خيال السميرا افلح ودنا بطاروق معك متى ما فرغت
واذا الليله فاضي مرني نحضر شاعر الملك ولك
كل الود والتقدير