اعضاء واداره مشرفين وزايرين

[ابو عزوز]

اعضاء واداره مشرفين وزايرين
... سلام من هجس السوالف والشعور
السالفة بيني وبين الغانمين
..... والطيبة فالسوق ماظني تبور

[سيـــ المعاني ـــف]

يا مرحبا بك بين صحب(ن) طيبين = والله يديم العز ويديم السرور
انته يابو عزوز مديت السمين = وشرواك قدره عندنا وسط الصدور


لا شكر على واجب يابو عزوز ، وهذا الرد يالذيب

[ابو عزوز]

دام البقى والطيبه للطيبين ..... في منتدى العراف وافين الشبور
عطني خبرغزوة بدر ولاحنين .... ولاتفتش فالمقابر والقبور

[سيـــ المعاني ـــف]

المنتدى يفرح بشوف العارفين
........ اللي يدوسون الجهل ، والعلم نور
لاعاد تنشد عن علوم الراحلين
............ والا ترى دنياك راحت في دبور

[ابو عزوز]

اصبر اشوي اشوي والخافي يبين
ياللي تحسبون الليالي والشهور
الطعنه اللي في ضهور الغافلين
منها تضيق الارض وتضيق الصدور

[سيـــ المعاني ـــف]

الصاحب اللي ما تجمل لا يشين
.. حتى ليا جاء يعتذر فهو معذور
والناس ماهم يا عميلي غافلين
.. مافيه داعي لا نلف ولا ندور

[البتار]

صحت السنكم
على
الطاروق الرائع

[سهيل مقحم]

الله واكبر على الابداااع

الي على اصووله

صحت السنتكم ولاهنـــتم

مبدعين وممتعيـــن

[المـــعزب]

صح السنتكم ويعطيكم العافيه...

[سيـــ المعاني ـــف]

اشكر الحميع على مرورهم
بدون استشناء

اخوكم سيف المعاني

[عمر الدغيلبي]

صح لسانك يا ابو عزوز

شاعر جزل .. و البدايه طيّبه و تنبئ بقدوم شاعر لا يستهان به

و ننتظرك في المزيد من المحاريف :)



سيف المعاني


صح لسانك وافي و كافي

وامتعتنا عز الله في طاروقك مع ابوعزوز

[سيـــ المعاني ـــف]

اشكر الجميع على مرورهم
وصح لسان ابو عزوز على هذا الطاروق الجزل

[الجوهرة]

مع اني اتابع المحاورات ولي اهتمام فيها
لكن ما احب اضع ردود عليها

هالمرة كسرت القاعدة ..من ابدع المحاورات اللي قريت
يستاهل الاخ الفاضل ابو عزوز تقييم

شكراً المدير الفاضل سيف المعاني

شكراً الشاعر المبدع القادم بقوة ابو عزوز

[سيـــ المعاني ـــف]

عفواً وشكراً لك ايضاً لتسجيل متابعتك وحضورك
والشكر للمبدع ابو عزوز على هالطاروق
خالص التحايا والتقدير للجميع