ليل ياماجد

[تركي متلع القبع]

ابونايف لاهنت ادري انا الوقت متاخر بس بناخذ طاروقا قصير


مرحبا ترحيبة تضفي علـــــى كل القبيله = قدرها يازن جبال طويق وجبال السراتي
ياولد نايف تعزوى وركب القبى الاصيله = البناخي يعتزي فالخــــال والدعوى ثباتي

[سيـــ المعاني ـــف]

حياك الله وما عنك عذرا والظاهر انك ناون تحرمنا السحور

انتظرني دقايق اركب البيت :)

[سيـــ المعاني ـــف]

البقاء ياللي ترحب بالمحاريف الجزيلة = من هجوس الشاعر اللي نابعه من طيب ذاتي
ابشر ، ابشر بالسعد والخير في برق المخيلة = هات ما عندك وانا كلي باذان (ن) صاغياتي

[وليف الجرح]

عشتم يالنشاما


متابع لكم ،،،

[تركي متلع القبع]

الدعــــاوي يابو نايف كلبــوها مستحيله = مير جعل الرب يكتب لي على يدك نجاتي

اشتبك بارودهـــا الاقشر بملــح مع فتيله = ولا يفيـد الهرج ياماجـد ولاينفع اسكاتي

[تركي متلع القبع]

وليف الجـــــــرح


لاهنت علـــى المتابعة

[سيـــ المعاني ـــف]

قدمك المشوار يارجال والطرقة طويله = وانت كفوا للعلوم الوافية والطايلاتي
نقترح هدنه على الاثنين ونرد المعيلة = صادرو شلفا ذياب وصادرو رمح الزناتي

[سيـــ المعاني ـــف]

عشتم يالنشاما


متابع لكم ،،،



اكفششششش >>>>>> بغم يصيدونك تسلم على المتابعه


:)

[تركي متلع القبع]

لاهنت يابو نايف وبيض الله وجهك

[سيـــ المعاني ـــف]

صح لسانك على الجزاله الغير مستغربة
و لاهنت على هذا المحراف السريع والظاهر السحور حطوه :)

سلمنا ها المره

[وليف الجرح]

صحت السنتكم

ايوالله بغو يصيدوني بس لا تلومني ما في الصف الا انا هههههههههه

[ضا111مي]

صح لسانكم واعتلا شانكم

كنتم رائعين

[سيـــ المعاني ـــف]

وليف الجرح
ضامي

شكرا لمتابعتكم

[عمر الدغيلبي]

صحة الألسن و القلوب

صح لسانك ياراعي الجبيل

وصح لسانك يا سيف المعاني

محراف جزل و طاروق سريع خفيف ليته طوّل

بس يبدو إنه مثل ما قال ابونايف قطعه وقت السحور :)

لكن لابد من تعويض في غيره :)

[سهيل مقحم]

صحت السنتكم ولاهنتم

محراف جزل وشعراء جزلين

لو انا ودنا في اطالته لكن العوض في الجايات