الأيام يومين والشك زايل

[خيال السميرا]

السلام ورحمة الله وبركاته
مساكم الله بالخير ,,,, ياوجيه السعد
الطاروق عااااااام





يالاد النعيري سلام وتحيه
عدد ماتهل المزون الرفيه
وانا لي مع الشعر روحه وجيه
والأيام يومين والشك زايل




جيت أدور على روس الرجال العنيده = ماتهيب وربعي مخلفين الهقاوي
من هدر نقصر الليله هجاره وقيده = لو وقف دون ربعه في نهار العزاوي

[سيـــ المعاني ـــف]

وعليكم السلام ورحمة الله وبركاته
الله يمسيك بالنور


بداية قوية .. ونترك المجال للشعار

[ابن راجي]

وعليكم السلام ورحمة الله وبركاته

مرحبا بك ياضيف

الموال على بحرين واخترت واحد منهن


هلا مرحبا في حلة أهل المواجيب
على المرجلة والطيب للي يبا الطيب
زحول الرجال اللي تضد الاجانيب
والأيام يومين والشك زايل


خابر إنك تدوّر عندنا لك فقيده
داركم والشيوخ أهل الظفر والنخاوي

أنت تونس على قلبك وكبدك وقيده
اسمحوا يالقروم من البكا والنعاوي

[خيال السميرا]

ماهوب على كيفك تختار رد على نفس بحر الموال انت شاعر تعرف الألتزام

[ابن راجي]

موالك فيه شطر منكسر , ما ينتجبر ولا بالجبس

وانا رديت على بحر الختمة , ولكن حبيت انبهك , وانت طرت في العجة

تبي تنسحب سمحنا لك

[خيال السميرا]

في البداية تقول انها على بحرين .. والحين تقول مكسوره ماعرفنا لك

خل الاعذار واستلم

تعذر وانا والله اني ما الومك
مدام البيوت اخلفت في عزومك
خطير(ن) خطير(ن) تشقق هدومك
والأيام يومين والشك زايك


ابن راجي يبا يظهر على الناس كيده = صفر زايد صفر لو تجمعة وش يساوي
الليالي عواصفها عليكم شديده = لو تمنا تراها ما تفيد المناوي

[ابن راجي]

الشطر هذا

وانا لي مع الشعر روحه وجيه

مكسور , والدعوى تراها بسيطة



وحبيت أبيّن لك عيوبك بكتمان
واثارك غشيم(ن) ما تميّز فالأوزان
وليتك تجنب ما تغني بالألحان
والأيام يومين والشك زايل

الفشيلة كبيرة عقب هاك النشيده
ذوقها يالجنوبي خل عنك الدعاوي
الحيا خابر إنّك مفلس(ن) من رصيده
أنت صيد الشجيع ابن الشجيع النداوي

[خيال السميرا]

الاخ ابن راجي مساك الله بالخير هل البحر فيه مشكله عندك الشعار موجودين معنا ويحكمون عليه:
الاوله انت لم تجيد البحر اللي انا عليه وهذ ماهوب عيبي
الثانية الشطر اللي قلت انه مكسور سليم ولا اعرف حكمك عليه على اي اساس:
نتوقف الين تعدل الأغلاط اللي عندك اما اني انسحب هذي ماهيب لي وقلتها فاول بيت
ماتهيب وربعي مخلفيـن الهقـاوي

[ابن راجي]

لا تنسحب , معاد لك فرصة ثانية

بنينا المعاني على طرق ثاني
بيوت(ن) تعجّز صبي قحطاني
عجز فالمعاني وخم المباني
والايام يومين والشك زايل

أنت بالوصف مثل الضب .......
ما تعرف الفقير ولا تعرف الغناوي

كيف شفت الوزا ياللي حياته زهيده
الرغاء عيب عقب الهيدري والحداوي

[خيال السميرا]

لاوالله بدا لاهيب طرقن ثاني ولاهيب معجزتني ...............................
........................................ ........................................ ....


تناقضت في كلمتك يالعتيبي
وفشلت ربعك ومثلك يخيبي
وأنا ماقفي مايجي فيه ريبي
والأيام يومين والشــــــــك زايــــــل


والله انك تعّصـــد فالمعاني عصـيده
***** ما تجي مستواي ولا انت يا( ... ) قاوي
المفــوه سواتك ساقه أطـول من ايده
***** مايضد الرجــــال اودون دون الحراوي

[سيـــ المعاني ـــف]

نعتذر اشد الاعتذار للشاعر\ خيال السميرا عن التجاوزات التي حصلت في الموضوع .. مما دعى الى نقله الى الاقسام الادارية ونقدر له عتبه على حذف الموضوع ويعاد موضوعه معزز مكرما نزولنا عند رغبته

بالنسبة لما يخص استفسارك فاللحن ما عليه كلام والبيت سليم وانت شاعر لن يقلل من تمكنك هذا الكلام ومكسب حقيقي للشعر ومنتدى قبيلة الدغالبة وعدم اتقان ابن راجي للحن عيب فيه والدليل عودته للحن في ابياته الاخيره ..

وبعد اذن مشرف المنتدى تعاد المحاوره أعتذار(ن) من الشاعر\
خيال السميرا ورداً على احتجاج ابن راجي قبل شطب عضويته بسبب الكلام البذي والسوقي الذي يدل على التربية الجيده جزاه الله خيرا فـ نحن لا نستفيد مثقال ذرة من حذف اي موضوع ..



تغلق المحاوره اغلاق دائم
وتشطب عضوية ابن راجي
ويبقى الموضوع والتوضيح في قسم المحاوره