ياسلام الله على الشعار شعار القبيله...

[سيف ربعه]

السلام عليكم ورحمه الله وبركاته


مساكم الله بالخير ياهل المنتدى الشامخ


ياسلام الله على الشعار شعار القبيله=ربعي اللي نفخر بوقفاتهم بين القبايل
قوم ياسيف المعاني والدروب الها دليله=شاعرٍ قد جاك من فعله براهين ودلايل

[سيـــ المعاني ـــف]

وعليكم السلام ورحمة الله وبركاته

أرحب أرحب أرحب

والمنتدى شامخ بكم وبتواجدكم ، فهو القلب النابض بالحياة بيننا

انتظرني ........

[سيـــ المعاني ـــف]

استلم :




مرحبا من شاعراً لاقام معروف (ن) صهيلة = بالنيابة عن بني عمي عطيبين الفعايل
والله اني معك فالمشوار والطرقة طويلة = لين اميز راسها من رجلها والشك زايل

[سيف ربعه]

صح لسانك
واستلم



البقا ياشاعرٍ ما بار في سلعه عميله=كل ماطالت ليال الوقت نوخنا الرحايل
ويش رايك فالذي قامت تغازله الجميله=هو يغض الطرف والا يضحك لبنت الحمايل






سيف المعاني سوف تصلك رساله لتحديد وقت افضل

[سيـــ المعاني ـــف]

اســـــتـلم :



كنت احسبك في محطات اللقاء عابر سبيلة = واثرك اللي ناوي (ن) تسرج على ظهور الاصايل
الجميلة دونها خيال وسيوف(ن) صقيلة = دربها محفوف بالاخطار يا راع المثايل

[البتار]

صحت السنتكم

ومتابعين ...

[الطرقي]

صحت السنتكم
وطاروق رائع بروعتكم


متابعين

[سيف ربعه]

البتار
الطرقي
صحت ابدانكم والله لايهينكم

[سيف ربعه]

صح لسانك
استلم




القلوب صحاح والنظره على الغالي قليله=دامني مارويت قلبي مالحقت اهل الجمايل
من هوا قلبه يبا يسلك دروبٍ مستحيله=ماتضره ضحكت الشامت ولا فالوقت عايل

[سيـــ المعاني ـــف]

استـــلم :


ان بركت ابرك جمل والحمل لابدك تشيلة = لا تناظر في مزون الصيف في عز القوايل
كان طعت الشور لا تصبح مثل مجنون ليله = ثم يصبح راسك ابيض من هواء شقر الجدايل




اشكر جميع المتابعين

[فهد صنيتان]

ياسلام الله عليكم ياشعار القبيلة طاروق ممتع صح السنتكم وقلوبكم
امتعتونا لاكن لوكان الوقت منظم ومعلنين عنها كان افضل

[سيف ربعه]

لاهنت اخوي فهد صنيتان على تواجدك وانا اوافقك الراي

سيف المعاني لاهنت على الطاروق والليل طويل واستلم والمعذره على التاخير





صاحبك فالمعركه ماهوب يغرف من شليله=سل سيفه وارتكى للخصم في وقت الصمايل
يالربع سيف المعاني ياحليله ياحليله =هو صاد من البحر والا تشربكه الحبايل

[سيـــ المعاني ـــف]

صاحبي مشروب فنجالة عسى ربي وكيلة = قبل ينزل داره من العام ويحط النزايل
ما تقدمنا وحنا الصاع ما نقدر نكيلة = حافظين حقوقنا وقت المصايب والهوايل

[سيـــ المعاني ـــف]

اشكر جميع من شرفونا بمتابعتهم


خالص تقديري واحترامي

[سيف ربعه]

استلم



جيتك مسير وقلت النار شبت فالفتيله=والله إنا مانهاب الموت دام الراس طايل
مانقول انك شجاع وفارسٍ بعنان خيله=ولانقول انك ضعيفٍ يتعبه ركض الاوايل

[سيـــ المعاني ـــف]

انت شاعر ما عليه قصور لكنه يبي له = لو تقول ان الحمل فوق الظهر والمتن شايل
ما نقول انك شجاع وشاعراً مافيك حيلة = ولا نقول انك رعوداً ماصدقت فيها المخايل




الاخ سيف ربعه
اشكرك على هذا الطارووق ونراك في مناسبات اخرى
خالص تقديري واحترامي

[البتار]

صحت السنتكم على الطاروق الرائع

[سيف ربعه]

احترامي وتقديري لك ياسيف المعاني وللاخوان الذين عطروا هذه الصفحة بمرورهم الجميل
نراك على خير

[سهيل مقحم]

الله الله

صحت الاللسن والقلوووووب ولاهنتم

مبدعين وممتعيــن

تقبلوو تحيتي ومتابعتي