كان ابن منعر الليلة طمع فالسلامه = ياقف بحزم والا لا يجي في طريقي

[سيـــ المعاني ـــف]

مشرفنا وشاعرنا القدير البتار
تفضل نبي معك طاروق




كان ابن منعر الليلة طمع فالسلامه = ياقف بحزم والا لا يجي في طريقي
معه ابلعب على سطح الوفى والكرامه = وان نزلنا نزلنا للغويط العميقي

[الطرقي]

بدايه موفقه

وفي انتظار مشرفنا البتار

[البتار]

العذر يا سيف المعاني

توني ادخل المنتدى

مير استلم


ماني اللي على الميقاف تبرد عظامه=محتمي ماقفي وحما مواقف رفيقي
هات علمك قبل لليل يسري ظلامه=يومك إنته على مشراف قمة طويقي

[سيـــ المعاني ـــف]

حياك الله يالبتار

واسلتم


ما تعرف القلوب اللي تبي الاستقامة = لين تعطيك ميثاق(ن) غليظ وثيقي
لا تنسد على ريع الندم والندامه = ولا تحدر على اهل الرين والا الحريقي

[البتار]

الله . . . الله


اكثر اهل الوفا ماتو بعام الرغامه=احترص من عدوك وانتبه لشقيقي
بيت ابو زيد يا ما اسرع وما إعجل هدامه=دام ساسه هشاش لحملته ما يطيقي

[الطرقي]

محاوره رائعه

ومتابعين لكم ياشعراءنا

[سيـــ المعاني ـــف]

الطرقي

شاكرين ومقدرين متابعتك ...

[سيـــ المعاني ـــف]

الله .. الله

استلم






اكثر اهل الوفاء باقين لين القيامة = اخذ علم (ن) وكاد وهات علم (ن) حقيقي
لا تغرك دوافع مدع الابتسامة = لو فرش لك ورود ، وجاب عطر ورحيقي

[فيصل الدغيلبي2]

معنى مكشوف من شخصيات معروفه بارزه على مستوى القبيله ومثلكم اكبر من كذا نحن اخوه ومتزاملون في كل مكان اذا كان هناك اساءه من احد يجب معاتبته شخصيا . فلنمتنع معن عن التقشفات نحو الاخر. والتنافس الشريف مطلوب واجاد البدائل لايعني الكساد .

ولكم فائق التقدير والاحترام..

[سيـــ المعاني ـــف]

الاخ فيصل حياك الله
نقدر لك متابعتك ، واهتمامك
ليس هناك شخص اكبر من الشعر ، والتحليل ليس حكراً لك وحدك ..

[بعيد الهقاوي]

بيض الله وجيهكم ومعكم على الخط
ياسيف المعاني
والبتار
شعار كبار
والمعنى في بطن الشاعر

تحياتي

[البتار]

استلم ,,,


الردي لو لبس بشت وعقال و عمامه=ما درا المرجله تحتاج وجه(ن) طليقي
بعد بكره يجي يا سيف يسحب خطامه=وش تسوي بعد ما صار حبه دقيقي

[البتار]

الله لا يهين من شرف المتصفح

ومشكورين على المتابعة

[سيـــ المعاني ـــف]

بعيد الهقاوي مرحبا فيك

وفي متابعتك

[سيـــ المعاني ـــف]

مرحبا يالبتار واستلم


انت لو كنت تملك عين زرقاء اليمامة = استبقت الحدث والا انتشلت الغريقي
بعد حسني مبارك ما انخذل في نظامه = يعرف ان انكر الاصوات صوت النهيقي

[الوكيل]

لوتجي شمس بكره تحت ماه وغمامه = مايعود عن المسراح سالك طريقي
مير ابوز يد مايقدر يشد المسامه = عقب ماطال عمره صار دوره يويقي


متابعه على الطاروق الحلو.

[سيـــ المعاني ـــف]

الوكيل اشكر لك حضورك ومتابعتك
ولكن ارجو عدم الرد ببيتين شعر على سياق المحاوره لان هذا
يعطي تشويش لدى المتابعين

[البتار]

صح السانك يا ماجد على هذا الطاروق

ولوه ما كتمل لظروف

ولاكن خيره بغيره والوعد قريب

[سيـــ المعاني ـــف]

الاخ الشاعر البتار
انا الذي اشكرك على هذا الطاروق المميز رغم ظروفك التي نعرفها
تمنياتي لك بالتوفيق والى مناسبات قادمة اخرى قريبه باذن الله

[مقعد الدغيلبي]

لا تنسد على ريـع النـدم والندامـه
ولا تحدر على اهل الرين والا الحريقي


هههههههههههههههههه
مبدع ودخله مجنووووووونه
صح لسانك
بيت ابو زيد يا ما اسرع وما إعجل هدامه
دام ساسه هشاش لحملتـه مـا يطيقـي

مايطيقي الله الله
كمان انت مبدع يالبتار

محاوره استلذيت بها من ابداع شعارها
لكم كل ود وتقدير

[سهيل مقحم]

صحت الالسن والقلوووب ولاهنتووو

تحيتي

[العيار الثقيل]

محاااااااااااوره على مستوى

وشعااااااااااااار من الطبقه الراااقيه في الشعر

يعطيكم الف عاااااااااااااااافيه

[عمر الدغيلبي]

كلام ..

صح الألسن

وجعلها ما تلجم

مبطي من النت ومن المحاوره

واستمتعت بمشاهدت إبداعكم