طلبتك يازمن وقف

[نايف الدغيلبي !]

طلبتك يا زمن وقف قبل ما تنهي أيامي
بعيش اللي بقى من عمري ترى باقي أمل فيني

عدمت الفرحة في عيني و بعد ناوي على إعدامي
حرام تسوي كل هذا ترى اللي فيني يكفيني
أشوف و ما أشوف إلا عذاب بداخلي حامي
يجي أحيان يخليني بغيبوبة و ينهيني

أبي مره و لو مره أشوف الفرحة قدامي
و لكن وينها الفرحة أموت و ما تعزيني
قضى عمري و انا أعطي غيري بالفرحة و انا ضامي
أفرحهم و أجاملهم و انا بحر الحزن فيني


كبيرة حيل طعناتي و كبيرة ارماحي و اسهامي
أطيح و رافع ٍ إيدي أبي أحد ٍ يقويني
أبي أي شخص يفهمني و يواسي جرحي الدامي
أجي كل يوم متضايق و أبي من يواسيني

ملامح وجهي عطاها الشقى و الهم و اوهامي
كأن الوقت في عمري خلق ضيقة تخاويني
أجيبك يا زمن أركض أسابق خطوة أقدامي
و مصيبة يوم انا جيتك من الأحزان تسقيني

وصلتك يا زمن ميت أبي تجمع لي احطامي
وصل لرحمتك و أنت و ضميرك لا تخليني
و ربي قمت احس إن الألم يفرح بآلامي
و حتى أصابعي بيدي تساوت عندي بعيني

[الجوهرة]

كلمات رائعة تدل على ذوق راقي

ولكن

هل هي لك او منقولة

إحترامي وتقديري

[نايف الدغيلبي !]

الله يعطيك العافية يالجوهرة
أتمنى أكتب مثل هالكلمات

[الجوهرة]

حُسن الإختيار نصف الإبداع

على ثقة بإنك تكتب أفضل من هذة إن شاء الله

حياك الله أخي

[مشعان بن سعد]

شكرا علي هذا النقل المميز وتقبل مروري مع التحيه