المتهيض يقــررب ...

[سهيل مقحم]

الله يمسيكم بالخير جميعا ً


سلامي عليكم عد برق ً من القبله نشا=تسوقه هبايب نجد ويسيل الوديان ماه
ابسري على الشعار والله يدبر مايشا=عسا الي يقدم خطوته قدم لايرجع وراه

[سهيل مقحم]

الظاهر ان مافيه احد متهيض الا انا

هههههههههههه

[سيف ربعه]

مرحبا باخوي الشاعر سهيل بن مقحم
ومساك الله بالنور




هلا مرحبا ياللي تسوق المحاله والرشا=وكلن له انجومه تبين وتظهر في سماه
بتسري من الشعار ماخذت زاد ولاعشا=تبي تسلك الدرب الوعر ثم تصدم فالحصاه

[سيف ربعه]

اعتذر عن التاخير الاتصال بطي عندي والطاروق ثقيل ولايبي عجله

[سهيل مقحم]

طيب طيب

حياك الله ومبطا من جاء تو شفت البيت

[سهيل مقحم]

يدوم البقا وسهيل يحسب حسابه لامشا=وكل ً معه عقله ويعرف صوابه من خطاه
رفيقي علامه يوم غنا تنرفز واحتشا=وانا مانطقت الهرجه الي تبا تبحث خفاه

[حشيم]

اسر ياليل

تراني معكم على الخط :)

طاروق ليلة الجمعه غير ويبي له براد شاهي

لاهنتوا جميع

ومتاااااااااااااااااااااااااااااااااابع

[سهيل مقحم]

حشيم وقدرك حشيم ومتابعتك تشريف

لاهنت والليل سرا

[سيف ربعه]

حسابك حساب الطيب في صبح والا في عشا=وكلن بياخذ من حزامه ويعطي من يداه
رفيقك وسيع بطان ماخان ولا وشا=ومن مد نص الكف ياخذ معه ملاه

[سيف ربعه]

يالربع انا الانترنت عندي لحس مخي
بس المعذره

[سهيل مقحم]

ههههههه
الله الله طيب طيب

[سهيل مقحم]

ليا عسكر الدخان ياسيف والجو اغتشا=تراعد عظام الرجل ويبين طيبه من رداه
انا اشره على الراشي ولا آشره على الي مرتشا=وسيف ً شباته ماتعزه ياليته في خباه

[سهيل مقحم]

صح للسانك ولاهنت وتشرفت باللعب معك وان بغيت تختم اختم

وان بغيت تخليها ختاميه بصرك

وشكرا ً على من مر على هذه الصفحه وعطرها

وتصبحون على خيررررر والله لايهينكم

[سيف ربعه]

ابو مقحم تشرفت باللعب معك ولا فيه شك اني استفدت منك
شاعر فحل ومكسب للمنتدى بيض الله وجهك

واستلم الرد وتصبح على خير


اواجه نهار الضيق صامل ولا اخشا=وبعض العرب حنا نميز هديره من رغاه
يجوز الكوي والكوي جايز بلا نشا=مادامك تعرف الدين وش له تيمم فالصلاه

[البتار]

صحت السنتكم

و مشكورين على الطاروق

,,,,,,,,,,,,,,,,,,,,,,

[سيـــ المعاني ـــف]

يا مرحبا يابو جاسم

من طول الغيبات جاب الغنايم وعوايدك السعد

سيف ربعه يا مرحبا فيك وابرك الساعات اللي طاروق بو جاسم اللي خلانا نشوفك

رغم ان هذا لا ينفي عتبنا عليكم ، ونتمنى ان لا تحرمونا من ابداعاتكم

ولكم حبي وتقديري

[العيار الثقيل]

كلام كلام

طاروق روعه يمشي على الدفع الربااااااااااااااااااعي

سهيل بن مقحم

و

سيف ربعه

يعطيكم الف عااااااااااااااااااااااافيه

[سهيل مقحم]

سيف ربعه فعلا ً اسما ً على مسما وانا اخووك

والله يشرف مقدارك ولايهينك ويسلمك

تقبل تحيـــااتي

[سهيل مقحم]

يا مرحبا يابو جاسم

من طول الغيبات جاب الغنايم وعوايدك السعد

سيف ربعه يا مرحبا فيك وابرك الساعات اللي طاروق بو جاسم اللي خلانا نشوفك

رغم ان هذا لا ينفي عتبنا عليكم ، ونتمنى ان لا تحرمونا من ابداعاتكم

ولكم حبي وتقديري

الله يبقيك ياسيف ولايهينـك
وماعلاك زود

ان شاء الله ياسيف المعـاني نجي امرار وامرار

تقبل تحياااتي

[سهيل مقحم]

العيار الثقيل

عافاك الله ولاهنــت على المرور

شكرا ً على من مر جميعـا ً في هذه الصفحـه

تقبلو تحيــاااتي واحترامي