هذه احدى محاورات الشاعر حاسن المطرفي والجن

[مجنون براس عاقل]

محاورة للشاعر الكبير حاسن المطرفي الهذلي والجن

--------------------------------------------------------------------------------




هذه احدى محاورات الشاعر حاسن المطرفي والجن،ويقال بأنها تكون وهو منامه وانه يرى صفوفهم كذلك:

الجن
سلام جيناك من روس المشاريف = نبى نعسك عسى مابك رزيه
قالوا مسخن وقالوا حالك ضعيف = ولاتحتمل للعلوم اللي قويـــه
حاسن
يامرحبا بالرجال اهل المـعاريـــف= لوكان مدري من ايات النحيه
واللي يجي من كثير الجود تخفيف= وانا مـن الله بخــير ولاعلــيه
الجن
نبي نصرف كلام العرف تصريف= حتى تبين السمين من الرديــه
العام تذكر تلجلج بالغطاريف = ماطحت لك في رجال (ن) صيرميه
حاسن
المعرفة وانا حاسن بحر(ن)مطيف=ماهيب سقوة ولاجتني هديــه
العام اغني واعدي بالمهاييف=والعب على الناس لعب العرفجيه
الجن
جيناك بسهومنا والرمح والسيف = وانته لحالك ولالك مرحـــــميه
يلعب بك الليل وانسام الهفاهيف =واخاف بكرة تصير انت الضحيه
حاسن
مالومكم ياكبيرين السواليف= ماتعرفون الصواب من الخطــــيه
ماهي علوم(ن)تصرفها على الكيف=حياة نفسي على رب البريه
الجن
والله لادحمك لين تعود معيف= واني لزاحمك بالقـــــوم الرويـــه
بالكف والصف والسلطان والقيف= واصيح للجن واقول الحميه
حاسن
قهرتكم بالنبي راع المواقيف = محمد اللي بباب العنـــــــــبريه
لكن صلوا بنا في مسجد الخيف =واحنا نصلي بكم في العابديه
الجن
طايح بغبة ولاعندك مجاديف =راحت عليك الرباع مع الثـــنيه
ليا بغيت المعاني والمحاريف= لاتارد الا العدود الجاهلــــــــيه
حاسن
حنا وردنا البحر وانتم مكاتيف = يالاعبين اللحون السامــــــريه
روحوا مراح السحاب اللي مراديف= انتم غريبين والدار هذليه


للامـــــــــ منقول ـــــــــانة

[عمر الدغيلبي]

يامرحبا بالرجال اهل المـعاريـــف= لوكان مدري من ايات النحيه
واللي يجي من كثير الجود تخفيف= وانا مـن الله بخــير ولاعلــيه

ههههههههههههههههه اهل المعاريف ايه بالله

[ابن فهيد الزيادي]

السلام عليكم ورحمة الله

اخوي :

هذه المحاوره موجودهـ ومثبته في ديوان كنوز الذهب في جزيرة العرب للشاعر عائض بن عويض الزيادي العتيبي..

وهي حادثه حقيقية وليست من نسج الخيال وقد حدثت للشيخ على بن عايد بن فهيد الزيادي العتيبي ( رحمه الله )
وهي محاورهـ متعارف عليهاا عند كثير من كبار السن ..

اما نسبهاا لحسن المطرفي ( رحمه الله ) فهذا عاري من الصحة تماماً
وهذا امر لايرضى به احد اطلاقا ..!!



واليك سرد لقصة هذه المحاورة مع ابياتها الصحيحه كما هي موجوده في الديوان ..

..


تعرض الشاعر علي بن عايد بن فهيد بن صلاح الزيادي العتيبي( رحمة الله تعالي ) لمرض الحمى الشديد

لمده ثلاث ليالي وبعد الليله الرابعة تحسنت حالته ونام وأثناء ذلك حلم بوجود مجموعة من الرجال

الذين اتوا اليه وتواجدوا أمامه وصفوا صفوف لعبة المحاورة المعروفه ( الملعبة ) ويظهر ان اغلبهم

او كلهم شعار حيث يبدا الشاعر منهم بنقل اول بيت للصفوف ثم يتأخر ويدخل الصف ويكمل الشاعر

الثاني البيت وذلك من بداية المحاورة بينه وبينهم حتى النهاية .

حيث بدأ اول واحد من شعراء الجن كما قال قائلا :



ســلام جينـــاك من رووس المشـــاريف
نبا نعــسك عـسى مــابــــك رزيــــــــة
قـالـوا مـصـخـن وقـالـوا حـالـك ضـعيـف
ولا تـحـتـمـل لـلـعـلــوم الـلـي قـــويـــــة

فـآجابة الشاعر علي :

يــامـرحبـا بـالـرجـال اهـل الـمعاريـف
لــــو كــــان مدري مـــن ايـات النحـيـة
واللي حصل من كريم الجود تـخـفيـف
وانــــا من الله بخـيــر ولا عــــلـــيـــه

شـــآعر ـآلجن :

نـبـا نصرف كلام العرف تصـريـف
حـتـى تـبـيـن الـسـمان مـن الـرديــه
الـعـام تـذكــر تـلـجـلـج بـالـغطـاريف
مـا طـحـت لـك فـي رجــال صـيرمـيـة

ـآلشاعر علي :

المعرفه من علي الجد بحر مطيف
لاهـي بـسـقـوة ولا جـتــنـي هــديـــة
والعام اغني واعـدى بـالـمهـايـيـف
والعب على الناس لعب العجرفـيــة

شـآعر ـآلجن :

جيناك بسهومنا والرمح والسـيف
وانـتـه لـحـالـك ولا لـك مـرحـمـيــة
يلعبك اللـيـل وأنسام الـهـفـاهـيـف
واخـاف بـكـره تـصـيـر انـت الـضحية

ـآلشاعر علي :

ما لــومـكـم ياكبيرين السوالـيـف
مــاتـعـرفــون الـصحيح من الخـطـية
ماهي علوم تصرفها على الكيف
حـيـاة نـفـسـي عـلـى والـي الـبـريــة

وهنا يستشيط احد شعراء الجن غضبا كما قال ويرد قائلاً :

والله لا داحمك حتى تصبح مـعـيف
وانــي لا داحـمـك بـالــــقــــوم الـقــويــة
بالكف والصف والسلطان والقيف
واصــيــح لـلـجـن واقـــول الـــحــمــيــة

ويقول الشاعر علي ماكمل شاعر الجن الشطر الاخير من البيت المذكور وفي لمح البصر الا وصفوف

الجن اللهم صلي على محمد تملا الافاق والاخرين مقبلين من كل ناحية جماعات وافراد حتى تصورت

وانا لا زلت في المنام ان الارض تكاد ترتجف من حولنا من كثر الامم وغرابة اشكالهم وسهامهم

وتصفيقهم بالكفوف والطبول وعدوانية وعنف وبطش بعضهم البعض وهنا ادرك حقيقة الامر وتدركني

عناية الله وانا في حالة نوم خفيف وارد قائلا :

قــهــرتــكــم بـالنبي زين التواصيف
امــحــمــد الــلــي بــبـــاب الــعــنــبــريــة

واذا هم يختفون في اسرع من البرق وانا اصحي من النوم كأنني خرجت من معركة ويقول

كان بعضهم ينزعج جدا ويطير من ذكر الله والبعض بالعكس يكون الامر عنده عادي ..

القصيده من ديوان الشاعر الكبير عائض بن عويض ( كنوز الذهب من جزيره العرب )

ارجوا من ادارة الموقع التأكد من صحة القصة ونسبها الى اهلها
ارجوا من ادارة الموقع التأكد من صحة القصة ونسبها الى اهلها
ارجوا من ادارة الموقع التأكد من صحة القصة ونسبها الى اهلها
ارجوا من ادارة الموقع التأكد من صحة القصة ونسبها الى اهلها

[حشيم]

مشكور يابن فهيد على التوضيح وبارك الله فيك
والاخ كاتب الموضوع اشار الى انه منقول يعني الذنب مو ذنبه

وعلى كل حال عرفنا القصه الحقيقيه بفضل الله ثم بفضلك اخوي ابن فهيد وحياك في منتدى الدغالبه

[القثامي]

لاهنت على المحاورة