" عكس النـظـام "

[سيـــ المعاني ـــف]

السلام عليكم ..
مساء الخير للجميع ..




ياناس ياللي تبا تمشون عكس النظام = النار ما ودنا نشعل مشاهيبها

بعض العرب وجهة يمة سهوم الكلام = وقام الاوادم يشذب في عراقيبها

[البتار]

حياك الله يا بو نايف

وبرك الساعات اللي نلعب معك

واستلم


يا سيف بالعب معك طاروق في كل عام=والطيبه من نصيب اللي يغنيبها
ولا اكثر الناس موهنها الوهم والهيام=الطب ماعاد ينفع في تطابيبها

[سيـــ المعاني ـــف]

يا مرحبا

والبركة بوجودك واستلم



تمضي فصول السنه وتكون برد وسلام = بندقك يا صاحبي لا عاد تخطي بها
عودت لي مندفع كنك تبى الانتقام = الكلمة الطيبة .. عساك تحريبها

[البتار]

أنته تعرف الحقيقه ماعليه ملام=رد النظر فالعلوم اللي تجينيبها
بانت علوم اللصوص اللي تحل الحرام =والسالفه ماضية والناس تدريبها

[وليف الجرح]

عاش طاروقكم


متااااااااااااااااااااااابع

[سيـــ المعاني ـــف]

استلم استلم




انا اعرف ان الحقيقه مثل بدر التمام = وشلون تاقف على رجلك وتسريبها
اعلومي الطيب والتقدير والاحترام = والا علومك يابو وجهين مالي بها

[البتار]

وليف حياك الله

بس من انت في صفه يالغالي

[وليف الجرح]

من رحب يبقاء


في صف السيف

[البتار]

استلم .. استلم


والله يالولا الحكيم اللي سعى بالسلام=لتشوف دار العجم محداً يصليبها
انته قضيتك بين الشك والاتهام=وعادات الايام ما تصفي مشاريبها

[الزعيم]

محاوره ناااااريه ولا أروع
ما شاء الله عليكم
ومادام وليف في صف سيف بكون في صف من عتيبه

الليل ... الليل

[سيـــ المعاني ـــف]

وليف الجرح

متابعتك تشريف ولك كل الشكر

[سيـــ المعاني ـــف]

الزعيم


يا هلا ومتابعتك تشريف واطراءك محل الاهتمام

كل الشكر

[البتار]

يا مرحبا يالزعيم

شاعر كبير غني عن التعريف

والله لا يهينك

[سيـــ المعاني ـــف]

استلم :


لولا الشدايد ترانا ما عرفنا الحزام = ولا نعرف الصحابة وين اصاحيبها
يا مكبر الفرق بين النصر و " الانهزام " = لوكان ما أشكك بروضتك وشعيبها

[البتار]

الله ... الله


قبل الشدايد عليك من السحايب غمام=واليوم جك النقود اللي تزكي بها
جرب حبوب الصرع ولا حبوب الفصام=كوداً حالتك تركد بعد تعذيبها

[سيـــ المعاني ـــف]

..



كنت احسب انك تحب الشرط والالتزام = واثرك جهلت القواعد كيف ترتيبها
تكبر علوم الشواوي بعد سن الفطام = ويوسوس ابليس في نفسه ويوميبها

[وليف الجرح]

الليل الليل

محاورة ولا أرووووووع


عاشو شعارنا

[دحيم]

عكس النظام

صحت ألسنتكم

ولا اكـثـر الـنـاس موهنـهـا الـوهـم والـهـيـام

هل فيه خطأ إملائي ؟؟

[البتار]

لو إن أبو زيد نص الليل صلى ونام= ماذاق مر الحياه ولا لواهيبها
الجاهل اللي يمد إيديه قدم الهوام=تكون غلطة زمانه لو يضحيبها

[سيـــ المعاني ـــف]

وليف الجرح الاروع تواجدك
دحيم صح بدنك
وكل الشكر لمتابعتك

[سيـــ المعاني ـــف]

استلم ..


يا معهد الصبر ما تعطي نواط (و) وسام = حتى نعرف الاوادم من تجاريبها
شاعر وتصرف ذهب موزون وتجيب خام = لكن حملتك في ظهرك تزوزيبها

[البتار]

يا سيف اعلمك لاكن ما تفيد العلام=ما رحت برسالتي وشلون تاتيبها
حصيلك من الجزور الفرث ولا العظام=فتش بضاعتك قبل القوم تثعيبها

[سيـــ المعاني ـــف]

صح لسانك

وتشرفت باللعب معك يا من عتيبة

اشكرك على هذه النوادر من الابيات كما لا يفوتني ان اشكر جميع من تفضل بالمتابعة

[البتار]

صح بدنك يابو نايف

والشرف لي يوم اقابل شاعر بحجمك

يجيد فنون اللعب وجزاله في المعنى واللفظ

كما اشكر جميع من شاركنا بردودة

وليف الجرح

الزعيم

دحيم

وكذالك من شرفنا بزيارة

[بتال بن جزاء]

صح لسانكم جميأ
وأنا في صف الجميع
محاوره جميلة ,,

[البتار]

حياك الله يالجلاد

وصح بدنك يالغالي

[بدر المهري]

صحت السنتكم شعراءنا الاكارم
محاوره اكثر من رائعه

[عبدالله المجفن]

أقف مع ماجد هنا شخصاً و رائيً
صحة ألسنة شعرائنا جميعاً

: )))

[سيـــ المعاني ـــف]

شكراً لجميع من شرفنا
بمرورها على هذه المساحه التي اتزدانت بتواجدكم