المساعد الشخصي الرقمي

مشاهدة النسخة كاملة : عاجل: مطلوب دخول 8 من أعضاء المنتدى فقط , لا هنتوا .....

أحتريها ولكن !!
12-21-2007, 06:26 PM
السلام عليكم ورحمة الله وبركاته

أشكر من رحب فيني ومب واجد للأسف " تحطيم معنوي " :mad:

الماصول أشكرك يا أخوي على ترحيبك الطيب

الأخ محمد الدغيلبي " أبو تركي " لك سلامين خاصين الأول من الوالد ويسأل
وش يقرب لك سعد فريج اللي توفى بالطايف ؟
والثاني مني وشكرا على كلامك الطيب وتوقيعك الذي يدل على سمو تفكيرك

الأخ ماجد نايف لك من اسمك نصيب ايها الماجدالنايف وقد قيل الفتى قلبُ ولسان
وانت حزت الإثنتين

الأخ بدر المهري الواسطه العظيمه لتفعيلي في المنتدى شهرين وانا اتحرى ها التفعيل
حتى شككت اني دغيلبي !!
وجمعت شيباني وقلت لهم صارحوني هاللحين انا دغيلبي والا لا :confused:!! وليه ربعي ما يبوني
ورد الوالد علي " اطال الله عمره " ياوليدي من شاف خشّك ما بغاك والا ربعك ما يجي منهم قصور " ذهيّن الوالد "
اياك اعني واسمعي يا جاره " الله يعظم اجرتس يمه " :D
اللتفتت علي الوالده وهي تنفض يديها والله ياوليدي ان سرك مدفون في لبخه وان كان تبينا نظهره لك أظهرناه
قلت ما يبي لها ما يصبر على الضيم وربعه الاد منعر يوم الارياق يباس :D
ومير واصب الفنجال من يشربه يا الربع ؟ وينتفض طير شلوى كحيلان بدر المهري انا لها ويخسى الذيب :p
ومير ما جاني الصبح الا وانا بينكم



سعووووود يا خووك والله اني تخيلت نفسي في وحده من محطات الحجاز القديمه مارٍ على سواق تريله تافلن العافيه
يوم شافني خزني بعينه ورفع يده مررررررررررحبااااااااا من غير نفس
شكررررررررررررااااااااااا


ابن حويفر وعبدالعزيز الحويفر لم يسبق لي ان اتعرف بحوافره قبل حفل نواره المجيد يا خوي تدخلون القلب بسهوله
فيكم بشاشه طبيعيه خاليه من التعقيد :rolleyes: الله لا يغير عليكم

ابن الهيلا يا اخوي اسمك واسم في قلبي سوم لا يمكن ينمحي على طول السنين " الهيلا العظيمه "
مشكور على ترحيبك يا اخوي

واللي مارحبوا فيني اقول اضاعوني واي فتى أضاعوا .... واللي يعرف باقي البيت يسدحه هنيا :D
لعنبوا بليسكم هذا وانا جايكم في العيد عقب الترويشه وكيلو جل يهبط الشوشه لكن هيييييييييييييييييييييييييييين
الله يعين لو اني جايكم بكلحّتّي

والسلام ختام
الماصول
12-21-2007, 07:24 PM
هلا وحلوه منك اخوي احتريها

ولكن حقوق الطبع محفوظه ;);)

تحياتي لك ولرحابت صدرك وننتظر ابداعاتك

والسلام ختام
محمد الدغيلبي
12-22-2007, 02:14 AM
اخوي احتريها ولكن

السلام عليكم ورحمة الله وبركاته

اول شي الله يسلمك انت والوالد وثاني شي بنسبه الى سعد يكون اخوى الله يرحمه ويغفر له

واموات المسلمين

ولك الشكر وفائق الاحترام
عبدالعزيزبن حــويــفر
12-22-2007, 02:29 AM
حياك الله يااحتريها ولكن
ومرحبا مليون فيك بين عيال عمك ولنا الشرف في معرفتك والله يجزاك خير

تقبل تحياتي


اخوك عبدالعزيز الحويفر
بدر المهري
12-22-2007, 03:04 AM
هههههههههه

الله مير يحييك ياللي تحتريهااا

والخوان يمكن شافو "نكك" وفهموا غلط :)

والا تراهم عجلين في التراحيب الآد النعيري جعلني ماابكيهم

وان شاء الله هالمنتدى يصير ونيسك في الغربه لا جتك البعثه

وعسى الله يوفقك ويرزقك ويسهل امرك

--------
كل الود
زائــر
12-22-2007, 02:13 PM
السلام عليكم ورحمة الله وبركاته

أشكر من رحب فيني ومب واجد للأسف " تحطيم معنوي " :mad:

الماصول أشكرك يا أخوي على ترحيبك الطيب

الأخ محمد الدغيلبي " أبو تركي " لك سلامين خاصين الأول من الوالد ويسأل
وش يقرب لك سعد فريج اللي توفى بالطايف ؟
والثاني مني وشكرا على كلامك الطيب وتوقيعك الذي يدل على سمو تفكيرك

الأخ ماجد نايف لك من اسمك نصيب ايها الماجدالنايف وقد قيل الفتى قلبُ ولسان
وانت حزت الإثنتين

الأخ بدر المهري الواسطه العظيمه لتفعيلي في المنتدى شهرين وانا اتحرى ها التفعيل
حتى شككت اني دغيلبي !!
وجمعت شيباني وقلت لهم صارحوني هاللحين انا دغيلبي والا لا :confused:!! وليه ربعي ما يبوني
ورد الوالد علي " اطال الله عمره " ياوليدي من شاف خشّك ما بغاك والا ربعك ما يجي منهم قصور " ذهيّن الوالد "
اياك اعني واسمعي يا جاره " الله يعظم اجرتس يمه " :D
اللتفتت علي الوالده وهي تنفض يديها والله ياوليدي ان سرك مدفون في لبخه وان كان تبينا نظهره لك أظهرناه
قلت ما يبي لها ما يصبر على الضيم وربعه الاد منعر يوم الارياق يباس :D
ومير واصب الفنجال من يشربه يا الربع ؟ وينتفض طير شلوى كحيلان بدر المهري انا لها ويخسى الذيب :p
ومير ما جاني الصبح الا وانا بينكم



سعووووود يا خووك والله اني تخيلت نفسي في وحده من محطات الحجاز القديمه مارٍ على سواق تريله تافلن العافيه
يوم شافني خزني بعينه ورفع يده مررررررررررحبااااااااا من غير نفس
شكررررررررررررااااااااااا


ابن حويفر وعبدالعزيز الحويفر لم يسبق لي ان اتعرف بحوافره قبل حفل نواره المجيد يا خوي تدخلون القلب بسهوله
فيكم بشاشه طبيعيه خاليه من التعقيد :rolleyes: الله لا يغير عليكم

ابن الهيلا يا اخوي اسمك واسم في قلبي سوم لا يمكن ينمحي على طول السنين " الهيلا العظيمه "
مشكور على ترحيبك يا اخوي

واللي مارحبوا فيني اقول اضاعوني واي فتى أضاعوا .... واللي يعرف باقي البيت يسدحه هنيا :D
لعنبوا بليسكم هذا وانا جايكم في العيد عقب الترويشه وكيلو جل يهبط الشوشه لكن هيييييييييييييييييييييييييييين
الله يعين لو اني جايكم بكلحّتّي

والسلام ختام
أخي نحن قلنا مرحبا للضيف وأنت فسرتها خطاء الذي أعرف إن الضيف إذا قدم على قوم يقول السلام عليكم أنا فلان بن فلان يأخي من زود الترحيب قلنا مرحبااااااااااااااااا إنظرآلاف مرحبا كيف عرفت من غير نفس يا أخي إن بعض الظن إثم
من كلامك إنك سألت والديك هل أنت دغيلبي تصور لو إنك ضربت باب أحد جماعتك في الرياض أوالشرقية أو الغربية وفتح
أحد الأولاد الباب ماذا تقول له حتى يخبر والده هل هل يقول واحد عند الباب أو يقول فلان بن فلان
إذا كنت تريد الترحيب أكثر وأكثر عرف بإسمك الذي إختاره والديك لك حتى نضيف عبارة والنعم قبل الترحيب وبعده
أخوي بلغ سلامي على والديك وقل لهم سعود بن نويمي يسلم عليكم كثير كثير

شكراً لك ونحن نقول لك مرحبا آلاف المرات إذا ترضيك وإلا نزودها
أحتريها ولكن !!
12-23-2007, 12:06 AM
السلام عليكم ورحمة الله وبركاته

سوف أبداء بك أخي سعود بن نويمي سوء الظن ليس له درب عليك يا ابن الرجال المناعير

القصد مزحه وتلطيف للجو البااااااااارد

اما من ناحية الإسم المستعار اللي انا متلطم ٍ به ليس بقصد إخفاء الشخصيه فانا أعرف قدري عند ربعي

وربعي يعرفون قدرهم عندي كاسب ٍ قولة والنعم منهم من قديم والقصد وانا اخوك فرحنا بها المنتدى

وودنا نشارك فيه بما جمعناه طول السنين من قصص وقصيد وسوالف وربعنا انت أخبر بهم مني

ان عرفوا احد وحبوه رفعوه لسابع سماه بالمدح وان كرهوا احد خسفوا به الأرض وانا لا أريد النقيضين

أريد الرأي المحايد فيما أضع بـ غض النظر عن من أكون ووقت اللزوم يا ابو نويمي تلقاني على يمناك

بإسمي وجسمي وغترتي وعقالي

والوالد يهديك سلامه أكثر مما أرسلت ويقول عيال الرجال الزاهد العابد ما يجي منهم الا كل خير

وترى الدعوه مزوح تجي وتروح
أحتريها ولكن !!
12-23-2007, 12:14 AM
حياك الله يا الماصول

ماعرفت وش تقصد بالحقوق المحفوظه يا قدع

http://www.0sss0.com/up/uploader_files211/dil56962.gif (http://www.0sss0.com/up/)


ابو تركي

مشكور اخوي والله يعافيك

عبدالعزيز

مشكور برضو على المرور وحنا لنا الشرف أكتر منك يا واد

بدر

الله مير يسلمك والفهم غلط يجري في عروقنا مجرى الدم :D
ومشكور على الدعوه الطيبه يا خوك
زائــر
12-23-2007, 02:09 AM
السلام عليكم ورحمة الله وبركاته

سوف أبداء بك أخي سعود بن نويمي سوء الظن ليس له درب عليك يا ابن الرجال المناعير

القصد مزحه وتلطيف للجو البااااااااارد

اما من ناحية الإسم المستعار اللي انا متلطم ٍ به ليس بقصد إخفاء الشخصيه فانا أعرف قدري عند ربعي

وربعي يعرفون قدرهم عندي كاسب ٍ قولة والنعم منهم من قديم والقصد وانا اخوك فرحنا بها المنتدى

وودنا نشارك فيه بما جمعناه طول السنين من قصص وقصيد وسوالف وربعنا انت أخبر بهم مني

ان عرفوا احد وحبوه رفعوه لسابع سماه بالمدح وان كرهوا احد خسفوا به الأرض وانا لا أريد النقيضين

أريد الرأي المحايد فيما أضع بـ غض النظر عن من أكون ووقت اللزوم يا ابو نويمي تلقاني على يمناك

بإسمي وجسمي وغترتي وعقالي

والوالد يهديك سلامه أكثر مما أرسلت ويقول عيال الرجال الزاهد العابد ما يجي منهم الا كل خير

وترى الدعوه مزوح تجي وتروح

مشكور نتشرف بأن تكون أخ وصديق بيننا نحن نبحث عن ماذكرت ربما أخ لم تلده أمك وسلمت يمينك والله يجزي والديك الجنة ولك تحياتي
سيـــ المعاني ـــف
12-23-2007, 08:34 PM
مرحبا بك اخوي احتريها ولاكن .! !

يشرفتنا بتواجدك واعذرني على الرد متاخر تعرف نزلات البرد الايام هذي كاثره

وشكراٍِ على اطراءك العذب وعلى فكره نظام التفعيل لدينا الالكتروني اذ كان بريدك صحيح
وانا شاهدتك سجلت با اكثر من معرف >>>>> قلنا يمكن الرجال ما عنده ايميل :) خلونا نفعله
أحتريها ولكن !!
12-23-2007, 09:59 PM
مرحبتين وسلامتك من البرد وهالله هالله بالزنجبيل وزيت الزيتون تمرخ به دافي

ترى مجرب وحده بوحده :D

وانا اخوك مدري وش علت ها الإلكتروني سجلت بواحد وضيعت كلمة المرور وسجلت بالثاني

وصحيت ولاني ناسي كلمة المرور والثالث اشوى انكم فعلتوني قبل اضيعه :D خبرك العطاله والبطاله

وما تسوي

وحطيت أكثر من معرف قلت اللي يعجبكم بتثبتونه وها نحن هنا :p

مشكور على المرور اخوي