هبت هبوب الشمال وبردها شينــــي

[عمر الدغيلبي]

هذه القصيدة عبدالهادي بن سعيد بن ثعلي العضياني , واشتهرت هذه القصيدة حتى انها نسبت لاخرين ولكنها لازالت من القصائد النادرةعديت في مرقب والليـل ممسينـي
بديار غرب لعـل السيـل ماجاهـا

أضحك مع اللي ضحك والهم طاويني
طيت شنون العرب لاسربـوا ماهـا

وراك ماتزعجيـن الدمـع ياعينـي
على هنوف جديـد اللبـس يزهاهـا

هبت هبوب شمال وبردهـا شينـي
ماتدفي النـار لـو حنـا وقدناهـا

مايدفي الا حشـا مريوشـة العينـي
وإليا عطشنا شربنـا مـن ثناياهـا

أبـو عيـون اليـا سلهـم تناجينـي
ياقرد عين المشقـا كيـف يقواهـا

ياشبه وضحـا فتـاة دلهـا زينـي
داجت على عقلـة والـورد ماجاهـا

ياعل من شار بالفرقى عمى العينـي
مخباط صمعا جليل الفخـذ يشظاهـا

جعله حسير كسيـر وراكبـه دينـي
وأتلى حلالـه ذلـول راح يطلاهـا

[مشهور بن مساعد]

لا هنت اخوي بن حويفر وهالقصيدة اعتبرها من القصائد المخلدة حالها كقصيدة عبدالله بن عون ( يامل قلب يسج وفيه دولاجه ) وقصيدة الرقاص الحافي ( ربعي عتيبه من العارض الى الحرة ) واتمنى افراد موضوعين مستقلين لكل شاعر مع القصيدتين وشكرا .

[عمر الدغيلبي]

ابومساعد واضح أن لديك ذائقه شعريه صعبة الأرضاء << دكتور غسان هههههههههه

ابشر بسعدك يالذيب نبحث عنها وننزلها في مواضيع مستقله ماطلبت شي يالغالي

شاكر لك مرورك العطر

تحياتي لك

اخوك

ابن حويفر

[ابو راكان2]

سلمان بن سويلم بن غانم الصريبطي البلوي رحمه الله....

له هذه القصيدة الرائعه والقديمه والتي يتداولها كثير من الناس وغناها الكثير

ولم يعرفوا من قائلها أو يشيروا لها وربما نسبها البعض لشعراء آخرين ولكنها في الحقيقة

لهذا الشاعر رحمه الله وهو: (سلمان سويلم الصريبطي البلوي)..

وقد حصلت على المعلومه والقصيدة من كبار السن من القبيلة واثبتوا نسبتها لهذا الشاعر رحمه الله .

و الشاعر الذي ذكرته عاش في الأردن وفلسطين سبع سنين في الغربه

وأثناء وجوده قي تلك المدن قال هذه القصيدة الجميلة

وهذه القصيده كامله:




مديت يوم الاحـد صبـاح الاثنينـي
كل المماشي علـى الله ماحسبناهـا
قطعت ممشى الركايب فوق رجليني
أقبل على حزوم والاخرى اتعداهـا
لا نمت قامت هواجيسي اتصحينـي
حيث المغيبة بعـد مافـات ماقواهـا
نطيت رجم ٍ وآثري الليل ممسينـي
بديار غربة يعـل السيـل ماجاهـا
الشمس غابت وأنا هالحين هالحيني
بطحى عدامة ولاني لا حـق ماهـا
والمشرب اللـي معايـه مايكفينـي
الدرب كايد ورجلـي بـاد حذواهـا
لكني تحت رحمة اللـي مايخلينـي
حيثه على مايريد ارزاقـه اعطاهـا
يوصلني اللي تحرى فـي سويدينـي
عامين مني خبر مقطـوع ماجاهـا
هبت هبوب الشمال وبردهـا شينـي
ماتدفي النـار لـو حنـا شعلناهـا
مايدفي الا حضن مدعوجـة العينـي
الا عطشنـا شربنـا مـن ثناياهـا
هي شبه وضحى تمطرح بين ذوديني
وردت على عقلة ماغثـرب بماهـا
ياكثر ماتزعجين الدمع يـا عينـي
على هنوف جديد اللبـس يزهاهـا
أضحك مع اللي ضحك والود طاويني
طية شنون القرب لا قطـروا ماهـا
تستاهلين الرمـد وهـزوم ياعينـي
عيـن تعلـق مـع المقفـي بلياهـا
لو اشتهت لي عييده غيـر تبرينـي
هي اللي تعرف الدوا والعين تجلاها
قالت مقاسيم حالـت بينـك وبينـي
تبعد وراهـا وانـا ودي املاماهـا
وانا احسب اني من اول ما تعدينـي
تنسى المحبه وانا اللي ماقدر أنساها
عـز الله انـي معاهـا الله معنينـي
والا ماني رايـح لهـا واترضاهـا
من عقب انا بالسهل والماقع الزينـي
نطحت كمخة وانا من قبل ما ارقاها
عواد ابو سالم من مبطـي يمنينـي
بعض التماني ترى نصبـر بلياهـا




توضيح أن ( عـييـده ) المذكورة في القصيدة ليست محبوبة الشاعر

وإنما هي أختها ولكن لقوة شخصيتها التي كانت فارضة رأيها على أختها محبوبة سلمان .

وسلامتكم // الشاعر : سلمان بن سويلم بن غانم الصريبطي البلوي رحمه الله

[سيـــ المعاني ـــف]

القصيده كتب على طرقها الكثيرون ولها من القصائد المتشابهه كثيرة

فقد كتب الاخ طلال السميري في خزامى الصحرى عن متشابهاتها :
وهذي صورة ضوية للمقال :
http://www.alriyadh.com/2007/02/11/img/112019.jpg


وهناك ايضاً شاعر قحطني كتب على نفس الفكره غير الهرشاني

وهذي قصيدته :
بديت في مرقب والليل ضاويني

في دار غرب لعل السيل ما جاها

من أول لي ذلول ومركب زيني

واليوم دونك كلايفها طويناها

يا رب سلم ذلول شالت اثنيني

فاطرك يا عيد جعل الكسر ما جاها

كن وركها ورك عذرا وجهها زيني

وان لبسوها جديد اللبس يزهاها

وراك ما تزعجين الدمع يا عيني

على هنوف جديد اللبس يزهاها

ابغي عوض بكرتي بنت النفاحيني

أبو دليق على الأمتان يثعاها

شبه وضحى تمدر يوم الأثنيني

وردت على عقله والطرش ما جاها

يفوح من جسمها زين الرياحيني

واليا ضمينا شربنا من ثناياها

أبو عيو اليا سلهم تناجيني

يا قرد عين المشقى كيف يقواها

إلى صفت لي عن الأدنى والأقصيني

مصيونة عن عربها تقصر أخطاها

لعل من لامني يطعن برمحيني

يحمي على شلفة والملح ما جاها

تأخذ حلاله قروم توفيي الديني

ما خلو إلا خلوج يبلش اطلاها

البيض تخضع لها شيوخ وسلاطيني

وتخضع لها روس ناس يدخل حماها

وإن كان نورة تبيني لا تخليني

تنفض عليها البيارق كل ما جاها

تنفض عليها الحجاج ومذنب العيني

وتركز عليها الحنية كل ما جاها

يا عل من حجرها يعطي عمى العيني

مخاطب صمعا جليل الفخذ يشظاها

جعله كسير وحسير وراكبه ديني

من شاف حاله من العربان يشناها

هبت هبوب الشمال وبردها شيني

ما تدفي النار منها لو شمعناها

ما يدفى إلا (حظن) مريوشة العيني

في عطف زولية والعرض مرباها

أضحك مع من ضحك والهم طاويني

طويت شنون الطلب وإن قطروا ماها

وهو عبدالله بن ذعار
والقصائد المشابهه لها كثير فقد تداولة الصحافه السعودية معظمها


ملاحظه : انا في اعتقادي ان قصيدة عبدالله بن ذعار هي الاكثر شهره من شبيهاتها

[الجوال]

مشكور على هالقصيدة الرائعة وانا كنت ابحث عنها كامله ويعطيك الف عافيه