لملمة جروح لـ : عمر الدغيلبي [الأرشيف] - شبكة و منتديات قبيلة الدغالبة

عمر الدغيلبي

09-01-2009, 06:11 AM

يا غبنتي من كلام ٍ قيل = فيّه و من واحد ٍ غالي
أنا أشهد أنه يهد الحيل = يكسر ظهر كل حمالي
قلي ابسمعك بالتفصيل = ويش الذي غير الحالي
أول تحط الحمل وتشيل = واليوم فيك الرجا مالي
عاين ودربل على الدربيل = من قبل بالهرج ماتلالي
ثم هات حكمك مع التدليل = و ارفقه في وسط مرسالي
من يعترف بالخطا ويزيل = غلطته نسقيه فنجالي
فنجال كايف ببن وهيل = يروي ظما تايه البالي
من بعدها نغلق التحليل = وأشعله بالنار مشعالي
ماني بمن في قفاه يخيل = يبحث عن الشر والتالي

عمر الدغيلبي

09-01-2009, 07:00 AM

ألا يازين لا تجرح فؤادي = كفايه منك ماجاني كفاني
ترى لجلك يهون العمر عادي = ولكن بطل صدودك عشاني

عمر الدغيلبي

09-01-2009, 07:05 AM

يالله المعبود ما غيرك عليم بحالي = يالله أني طالبك همي تزيله كله
راحت أيامي ووقتي مارضى يصفالي = كل ماقلت إرتخى زوّد بطينه بله

عبدالهادي بن عباس

09-01-2009, 11:19 AM

تحولات جديده للملفات الخاصه توحي ببعض الخصوصيات تأخذ طابعها الجميل في تذوقها لدى القارئ
بالامس ( الركن الهادي ) واليوم (عالمي الخاص ) والمزيد للاتي . رقي ملموس يقودنا جميعا للاستمرار في مانصبوا إليه.

أخي عمر كم تألقت كثيرا ولازلت تحث الخطاء في مسيرتنا . لك ماتريد من الاحترام والتقدير..

عمر الدغيلبي

09-03-2009, 07:52 AM

عمر الدغيلبي

09-03-2009, 07:54 AM

يازين لو تدري وش اللي برى الحال = ما لمتني في دمعي اللي بكيته
كنت الحبيب اللي معه ونسة البال = وأخلفت عهد ٍ بيننا قد عطيته

عمر الدغيلبي

09-03-2009, 07:58 AM

( مسنجريات )

نايف الحميدي :

http://www.gazlaltmathel.com/up//uploads/images/.14f14944b2.jpg

الله يعين اللي قضى الليل مانام
في ذمتي ما هوب ويا السعاده

عمر الدغيلبي :

http://www.gazlaltmathel.com/up//uploads/images/.2516b11246.gif

راحت حياته بين هم ٍ مع أوهام
بالمختصر صارت حياته نكاده

نايف الحميدي :

http://www.gazlaltmathel.com/up//uploads/images/.14f14944b2.jpg

ياكم يعد من الليالي و الأيام
زراع لكن نكبته في حصاده

عمر الدغيلبي :

http://www.gazlaltmathel.com/up//uploads/images/.2516b11246.gif

ياكم رسم فالبال تخطيط وأحلام
مير البلا عيت تجيـه بمـراده

نايف الحميدي :

http://www.gazlaltmathel.com/up//uploads/images/.14f14944b2.jpg

حظه ردي والحظ لاطاح ماقام
يبطي عظم حتيش كل اجتهاده

عمر الدغيلبي :

http://www.gazlaltmathel.com/up//uploads/images/.2516b11246.gif

لو الهنا يشرى لأزيد إبه الأقيام
وأرتاح من هم ٍ عبدني عبـاده

نايف الحميدي :

http://www.gazlaltmathel.com/up//uploads/images/.14f14944b2.jpg

هم ٍ ملازمني من اسنين واعوام
والقلب ماله في هجاده جـلاده

عمر الدغيلبي:

http://www.gazlaltmathel.com/up//uploads/images/.2516b11246.gif

هم ٍ بوسط القلب يفحمني إفحام
من سبته ذقت العنا و القـراده

نايف الحميدي :

http://www.gazlaltmathel.com/up//uploads/images/.14f14944b2.jpg

عيا يروح وكل مارحت قدام
كشر لي بنابه وثور زناده

عمر الدغيلبي :

http://www.gazlaltmathel.com/up//uploads/images/.2516b11246.gif

عسى الولي يحكم على الهم بإعدام

وأذوق طعم النوم فوق الوسـاده

عمر الدغيلبي

09-07-2009, 10:00 PM

من عادتي أدمح الزله = لا جات من صاحب ٍ غالي
بس البلا بعضهم عله = ما ثمّن القيل و القالي

.
.
عمر
.
.

عمر الدغيلبي

09-07-2009, 10:05 PM

ياهلا باللي لفى يقرأ حروفي = يا عسى ما خطته يدي يروقه
كان للجزلات يا الزاير شغوفي = والله أن الجزل في قافي تذوقه

.
.
عمر
.
.

عمر الدغيلبي

09-07-2009, 10:06 PM

عليك شرهه مالها حجم وقياس = يومك تجنب عن مواعدك ياخي

.
.
عمر
.
.

عمر الدغيلبي

09-07-2009, 10:07 PM

الله من كلمة ٍ قشرا = شبت بوسط الخفوق جروح
والرب في حالتي أدرا = يعلم بحالي وما فالروح

.
.
عمر
.
.

عمر الدغيلبي

09-07-2009, 10:07 PM

يا طير لا تنهش لحم من يودك = يا طير مخلابك من اللي مربيه
ياطير علمني وش اللي يحدك = على الغدر يا طير وش حاجتك فيه

.
.
عمر
.
.

عمر الدغيلبي

09-07-2009, 10:08 PM

يا اخوك لا تكثر عليّ المشاريه = ترى الظروف اليوم عنك إقطعني

.
.
عمر
.
.

عمر الدغيلبي

09-10-2009, 07:24 AM

http://oxygen.ma3ali.googlepages.com/sad2.jpg

يا زين لو تنظر لقلبي من الداخل = ما قلت حبي بدون إحساس يالغالي

.
.
عمر
.
.

عمر الدغيلبي

09-10-2009, 07:26 AM

الغلطه اللي تجي من صاحب ٍ غالي = عاهدت نفسي لألد العين وأتركها

.
.
عمر
.
.

عمر الدغيلبي

09-10-2009, 07:29 AM

؟
؟
؟
؟
!!

كيف بعت الحب و العشره بعد ماكنّا ؟ = قلب واحد والوفا كنّا نصون عهوده
كيف تتركني مع الهوجاس دوم معنّا ؟ = عايش ٍ جسمي وروحي للأسف مفقوده
أنظم القيفان كالمجنون بك وأتغنا = ياوجودي وجد من خله مبيح سدوده
لو يطول البعد أنا وافي معك وأتمنّا = شوفتك تسوى بقايا عمري المعدوده
عاشقك مغرم وللجيّه ترى يستنّا = لا تطوّل بالغياب ولا تزيد صدوده
إلحقه من قبل عقله لا يصيبه جنّا = ثم بَعَدْها هات من يقدر يفك عقوده
لو نشدت القلب من لجله يزيد الونّا ؟ = جاوبك ثم قال ماغيرك يفت عضوده !!
بنشدك قلبك علامه كالحجر ماحنّا ؟ = كيف واللي عاشقك قلبه هواك يقوده
لو طلبته بالهجوم يشن حربه شنّا = ويش عنتر قدم من حبك يجي مجهوده
لا عشقنا فالهوى كم ياحبيبي صنّا = نرخص الأرواح مانعرف طريق العوده
مانخون العهد لو تنشد وتسمع عنّا = نوفي الميثاق ودروب الغدر مسدوده
لو تهين الحب وحقوقه ترى ماهنّا = ما تعودنا نهين و للغرام حدوده
روح جعلك مع عواذيل الهوى تتهنّا = ثمّ لا ترجع على قلبي عشان تزوده

.
.
عمر
.
.

عمر الدغيلبي

09-10-2009, 07:44 AM

يا حسين الوصف يا راع الصفات الندّر = لا تعلق قلبي المسكين دون إفاده

قلبي المسكين يا خلي تراه مكدّر = لا تزيد الصد قلبي لا تزيد إجهاده

لا تقول الظرف مبعدني وشي مقدّر = لا تضحي بي وقلبك لا تطيع عناده

حبك اللي فالحشا للأوله يتصدّر = صاينه ما همني لو كثروا النقاده

لو تزيد الصد يبقى فالقمم ماحدّر = مير يا ظالم ترفق بي بلاش زياده

لا تخليني كذا صبري يروح مهدّر = ماكسب منّك ولا حاجه تسد مراده

قلبي اللي عن جميع الناس فيه مقدّر = لين ما أنته صرت في وسطه تسيد أسياده

كيف تسمع للعواذل كيف صرت مخدّر ؟؟ = كيف خليت العواذل قايدتك قياده ؟؟

كم نهيتك عن كلام ٍ من وجيه ٍ ودّر = كم نصحتك مير هرجي ماقضبت وكاده

.
.
عمر
.
.

عمر الدغيلبي

09-15-2009, 07:04 AM

يا الله جيتك معي شكواي = وأرجي فرج همي وحلّه
يالله يا سامع ٍ دعواي = تبري حياتي من العلّه
رجواي يا رب يا رجواي = أهنا على الكيف والدلّه
ما ابي همومي تعود جاي = فالقلب بسيوف منسلّه
خطاي همي يشل خطاي = ويتل روحي معه تلّه
لاجيت أبسلى وأبي ملهاي = عود على القلب وإحتلّه
وش هو دوا علتي وشفاي = دلوني الدرب ما أدلّه
يا سامعين الحكي ونداي = عيني من الدمع مبتلّه

.
.
عمر
.
.

عمر الدغيلبي

09-15-2009, 07:21 AM

ان كان صدك لنا يرضيك = زود على الصد صديني
ماعدت غالي ولا نشريك = بالكاش ولا على الديني
كم قلت جعل الولي يهديك = وترجع تدور علي ويني
مير الزمن جاب لي تاليك = يوم إنكشف وجهك الشيني
كم قلت أحبك أنا وأغليك = كم قلت لك يا بعد عيني
يا للأسف آه من ماضيك = يا للأسف راحت سنيني

.
.
عمر
.
.

عمر الدغيلبي

09-24-2009, 02:15 AM

أهني مملكتنا و أتغنّا = من بيوت ٍ سمان وماتثنّا
وأبارك للسعوديه وأهني = وجعل العيد عايد ياوطنّا
عسى الله يحفظ الشعب ومليكه = بخير وغير هذا ما أتمنّا
عسى عز الوطن دايم وعامر = وعيده دوم بأفراحه مهنّا
وجعل اللي نوى في يوم ضرّه = يرد الله كيده دوم عنّا

عمر الدغيلبي

09-28-2009, 05:41 AM

يا كـ ح ـيل الـ ع ـين

لا ترمي سهامك

فيّه

قلبي رهـيّف ولا يـقـوى

يــرد >>>>} ( سـهـامكــ )

عمر الدغيلبي

09-28-2009, 05:42 AM

يا مطرّي.
.
البـ (ع) ــد.
.
.
بـ (ع) ــدك.
.
(ع)ـــننّا .
.
(ع) ـــادي.
.

لا تكْثر الهرج يالله رفرف ( إجناحك )

عمر الدغيلبي

09-28-2009, 05:59 AM

( وليد )

ليس مجرد صديق

( وليد )

هو الأخ الذي لم تلده أمي

صاحبته منذ بداية دراستي الثانويّه ولا زالت صحبتنا مستمّره وشائت الصدف أن نجتمع في الدراسه الجامعيّه

كان السند عند ضيق الظروف

وكنت له العزوّه إذا جارت به الأيام

عايشنا الظروف المرّه سويا ً وكان كلا ً منّا يشدّ من عزم صاحبه متى ما إرتخى أو أصابه إحباط

أتاني في الصيف الماضي ضايقا ً متكدّرا ً من ظروفه الخاصه

فجاوبته قائلا ً :

ياصاحبي وان كان ضاق الصدر لا تحمل هموم = عنّز عليّه والهموم اللي تجيك أشيلها
ما دام مثلك لا دعيته فاللوازم لي يقوم = قرم ً يناطح للصعاب وفي يده تسهيلها
أبشر بذيب ٍ معك فالشده وفي وقت اللزوم = يفديك وثقال الحمول المهلكه يرسيلها
يفديك لا منك زهمته في دفاع وفي هجوم = ماهمته نفسه ولو هو حاين ٍ ترحيلها
صاحبك للخوه يصون وحافظ ٍ عهد وسلوم = للرفقه اللي لو يدور الوقت ثابت حيلها
وليد يا القرم الشجيع اللي على الوقفه يروم = الصاحب اللي رفقته مامثلها في جيلها
لا جار بك وقتك واعز الناس خلاك مهدوم = نذر ٍ عليه يالعقارب ذيك لا أقطع ذيلها
اللي كسرك اكسره كانه هاوي ٍ كسر الخشوم = إلين يعرف غلطته و يعوّد لتعديلها
اللي يقدّر صاحبي نحسبه من عد القروم = واللي يضرّه نفسه العوجا مسوّد ليلها
وليد وان جارو عليك الربع انا لك و مخدوم = ما أعدك إلا قطعة ٍ مني وصعب أزيلها

عمر الدغيلبي

09-28-2009, 06:00 AM

من ( الخبر ) إلى ( شارلوت )

ومن ( عمر ) إلى ( فيصل )

يافيصل اصمد وماضاقت فوجه القروم = شرواك لا كبرت الدعوات يشتالها
خابرك حر و على روس العوالي تحوم = والأوله من خلقك الله من إرجالها
ذيبن ليا من نخوك القوم دايم تقوم = تاقف و وقفتك أنا شاهد على أفعالها
لا لا تضايق ولا تجعل همومك تدوم = من شان تقدر على خطتك وإكمالها
صحيح فالغربه العيشه تجيب الهموم = مير الشهاده لزوم تشد و تنالها
فكر لمستقبلن يبني كبارالحلوم = والنفس ترتاح و العيشه تحلالها
ترى الشهاده تعزك يوم رفع الخشوم = يوم العرب بالمناصب شايفه حالها
تغنيك عن منة اللي ما يسد اللزوم = اللي ليا كبرت القالات ما طالها
لا جيت كل العرب لجلك تبيع وتسوم = وتقول وقع عقودك وامسك اشغالها
أقولها و أنت ما ناقصك عرف وعلوم = تعرف ظروف الحياه و كيف مدخالها

لا جاتك الضيقه وعيّت تصد و تشوم = ازهم عليه و أنا بطفي إلك إشعالها

عمر الدغيلبي

09-28-2009, 06:02 AM

إلى والدي الغالي :

يا أبوي حبك وسط قلبي يبني كبار الصروح = يشهد على ما اقول علام الخفايا كلها
يا أبوي شوفك يبري العله وتشفى به جروح = ولا غبت دار ٍ ماتجيها مايظلل ظلها
أرتاح لا شفتك بخير و ضيقتي عني تروح = شوفك يكفيني عن الدنيا ومن في حلها
أنت الأبو و أنت الأخو و أنته رفيق ٍ لي نصوح = ياكم نصيحه منك جتني لين صرت أفطن لها
ياتاج راسي يا بعد روحي يا أبو قلب ٍ سموح = إن كان ما القيفان غنت فيك ليه أشلها
يمناك من فوق القمم بالطيبه دايم تلوح = واسمك على روس السطور العاليه محتلها
لك فالحشا حب ٍ كبير ٍ ما توفيه الشروح = تعجز بيوت الشعر عن وصفه بوسط سجلها
أنت الأمل عندي وبري فيك مابعده طموح = والطيبه منّك و من طيبك عرفت أدلها
من صغر سني مصغي ٍ لك دوم لا شفتك تبوح = يالشامخ اللي وقفته من فالعرب ياصل لها
شيخ ٍ وبابه ما يرد و دلته دايم تفوح = كريم و صفات الكرام الطيبه كفو ٍ لها

عمر الدغيلبي

09-28-2009, 06:03 AM

إلى ( أغلى الوجود ) و إلى ( أقرب الناس ) و إلى ( أحن القلوب )

صحيح اني كتبت من القصايد = كثير و ما كتبته كان جايد
ولكن لا نويت أكتب قصيده = عن أمي غصب أعبيها فرايد
وش أوصف من حنان أمي و أعدد = أببطي ثم أببطي بالشهايد
أنا روحي فدا أمي دون منه = و ألبسها من أبياتي قلايد
حنونة قلب ربتني و كانت = تخلي لي يديها كالوسايد
ليا مني مرضت النوم يبعد = عن أمي مير تصبر بالنكايد
تشربني دوايه لين ربي = يشافيني من أمراض ٍ تزايد
ألا يمه ألا يا بعد روحي = فداك جموع وأقوام وبدايد
هبيتي ثم هبيتي يا القصيده = توفين بشعوري شي كايد
أنا ما قصدي أوفي جزاها = ولكن شي للتوضيح رايد
ألا يا رب أنا طالبك طوّل = لي بعمر أمي أعوام ٍ مدايد

عمر الدغيلبي

10-11-2009, 02:47 AM

يا أخوي ضايق و يومي ضايق ٍ فيني = من يوم راحوا على الخفجي حبايبنا
لا جيت الأوراق صاحت لي تناديني = تقول صدرك من اللي فيه يشبعنا
أشكي و لا من شكيت تقوم تشكيني = تقول كافي همومك ما تناسبنا
ماعاد هي طايقه لحظه تراعيني = حتى القلم قام يبكي من سبايبنا
جريت صوتي وصوتي قام يبكيني = حتى صدى الصوت زاورنا وواكبنا
العلم عن شوفة الغالين حاديني = راحت سنه و أربعه باقي تصاحبنا

عمر الدغيلبي

10-11-2009, 02:49 AM

الضيقه اللي هوت صدري و تعشقني = وش حيلتي كل ما قفيت ما راحت

.
.
.
.
.

عمر الدغيلبي

10-11-2009, 02:50 AM

.
.
.
.

الله من وحدة ٍ فالدار ما أقساها = جابت لي الضيق لين الضيق والفني

.
.
.
.

عمر الدغيلبي

10-15-2009, 04:42 AM

وليد صب البياله كود تنسينا

هم ٍ علينا وبكره وقت تسليمه

الثلاثاء : 24 / 10 / 1430

عمر الدغيلبي

10-15-2009, 04:50 AM

يقول ماافهم !! http://www.vip1vip.com/vb/images/smilies/11.gif

من أشعارك ولا حاجه http://www.vip1vip.com/vb/images/smilies/in_love.gif

قلت أبك http://www.vip1vip.com/vb/images/smilies/wow555.gif

وشلون و اللهجه سعوديّه http://www.vip1vip.com/vb/images/smilies/4.gif

عمر الدغيلبي

10-15-2009, 06:25 AM

صديق الروح http://www.vip1vip.com/vb/images/smilies/icon26.gif
.
.

و
.
.

رفيق الدرب

( وليد )
.
.
.
في محاولة رسمي
.
.
.
في هذه الصوره
.
.
.

http://www.gazlaltmathel.com/up//uploads/images/.2516b11246.gif

.
.
.
.
.
.
.
.
.

.
.
.

http://www.gazlaltmathel.com/up//uploads/images/.0d17492110.jpg

عمر الدغيلبي

11-08-2009, 12:11 AM

ليست قصيده بل هواجيس خط

وقد قلتها في 25 / 9 / 1430 هـ

وشرّفني الشاعر / خالد بن ذياب الدغيلبي

بشيلها بصوته :

سماعا ً ممتعا ً و قراءة ً طيبه

http://www.gazlaltmathel.com/up//uploads/files/.e0612b194d.mp3

يا زين لو تنظر لقلبي من الداخل = ما قلت حبي بدون إحساس يا الغالي
مير أنت توّك صغيّر فالهوى جاهل = بصبر على صعب فهمك يابعد حالي
قلبي ليا غبت عن باق الجسم فاصل = ما ينتظر لو يربط ربط بحبالي
والخفجي اليوم منعافه معا الساحل = وش لي بها دام خلي ضايق البالي
بروح لصويحبي و أشوف وش عامل = أبطى عليّه و مل الصبر جوالي
بالله يا البحر الأحمر قل وش الحاصل = علمني العلم لا يزداد سلالي
وش في حبيبي تغيّر ويش أنا قايل = ما أخطيت والرب شاهد لي على أقوالي
يقطع وصالي و أنا لا زلت به واصل = ماشاف بأسباب صدّه ويش سوالي
يازين حبك دمار ٍ فالحشا شامل = فجّر وريدي و منـْه الدمع همالي
وش ذنب قلب ٍ لحبك يالغلا حامل = جرعته المر و أحرمته من الحالي
لو شفت وشلون صاير حاله الناحل = ماغبت عنـّه و صرت بحاله تبالي
إن كان سامع كلام ٍ جاك من عاذل = خلك معه وابتعد يازين أشوالي
وإن كان به شي في بالك معك شاكل = قلي وأنا اللي شكل بضرب له أمثالي
لكن دخيلك لا عاد تصير متساهل = الحب ما هو كلام ٍ ما به أفعالي
يعني يراضيك يصبح حبنا فاشل = ونصير غلطة هوى بلسان عذالي
فتّح عيونك عشان تشوف يا غافل = إحساس صادق وقلب ٍ ماهو بخالي

عمر الدغيلبي

11-09-2009, 12:32 AM

لفانا العيد ثم حل المعايد = و أنا ما بين همّي و النكايد
أجامل عزوتي وأضحك معاهم = وهمّي فالحشا بالحيل كايد
سبايب خلي اللي قل وصله = ولا أدري من فراقه ويش فايد
تركني دون سبه من تركني = و أنا بعده قصايد في قصايد
أجر الصوت مامخلوق يسمع = ونين ٍ منه هزيت الحدايد
يمر الليل حالي هوّ حالي = وهمّي من تزايد في تزايد
أنا ودي أبارك له و أهنّي = مثل باق الحبايب فالعوايد
أنا ودي أقدم له هديّه = و أعايد مثل ما غيري يعايد
ولكن صاحبي قاسي عليّه = وصبري طال ماشفت الفوايد
ألا يا راعي الصدّه تسمّع = و خذ مني إفادات و وكايد
ترى وياك فرصه لين باكر = تجي آسف قبل حل العقايد
وإذا ماطعت هرجي واستمعته = فمان الله ماني فيك رايد
عمر باعك معا ماضيك كله = وحط إعلان في كل الجرايد
يقول فنصه الخاين يخلا = و الا لا عاد حبن فيه سايد

(هذا النص إستدراك للنص أعلاه الذي تم نشره سابقا ً )

لفاني ثاني أيام المعايد= حزين ونادم وتايب وعايد
يقول أدري أنا مخطي بحقك = وسامحني على نقض الوعايد
أنا جيتك وأنا عارف خطايه = وأعرف أنك حنون وماتزايد
تركتك سبة هروج العواذل = حدوني يوم حطو بك نقايد
يقولون ابتعد عنّه و خله = ترى ما أنته من معاشره فايد
ولكن بانت الكذبه و بيّن = جميل الطبع من تالي و نايد
أنا آسف و أبي منك السموحه = طلبتك لا تقول العلم كايد
ترى قدرك حفظته في محله = ولا في رجعتي يمك مكايد
بعد ما جيت أبرر ما حصلّي = عسى لا زلت باغيني و رايد
أنا قلت اقلط بقلبي محلّك = تبا تبطي و حبك غير بايد
ولو أنك جرحت القلب لكن = مجيّك عن علاج وعن ضمايد
هلا و أهلا هلا وأهلين يومك = لفيت و وسدك قلبي وسايد
أرحب بك و أقول آمر و ألبي = مادامك سايد بقلبي و قايد
تمشا فيه روحه عقب جيه = وأغني بك و أنقيلك فرايد
على هونك تمشا بالتمّهل= وأظلّك عن سموم وعن لهايد
تبي تعرف شعوري هاك عاين = على الشريان مخطوط الشهايد

الانيس

11-09-2009, 01:00 AM

لله درك لله درك لله درك

من الارض الى عنان السماء

عمر الدغيلبي

11-09-2009, 03:40 PM

لله درك لله درك لله درك

من الارض الى عنان السماء

أشرق المتصفّح ..

و رددت خلجات نفسي ..

بصوت ٍ عالي :

شرفتنا يا فارس

:)

عمر الدغيلبي

11-19-2009, 04:38 AM

لو كل من يخطي عليك بتلحقه رد الخطا = ماعاد يبقى فالبشر ناس ٍ بقى فيها عقول
ادمح خطا راع الخطا والله كريم ٍ فالعطا = يمهل ولا يهمل وسبحانه يدوم ولا يزول
هذا الزمن ياصاحبي يكشف خفا ستر الغطا = لا تنذهل لا فاجئك من واقع ٍ كله ذهول

عمر الدغيلبي

11-19-2009, 04:44 AM

.. يالله يارب يا معبود = عبدك يبي تصدق أحلامه ..
.. عبدك يبي تسر المنشود = اللي ركز لجله خيامه ..
.. يزرع لجل يحصد المحصود = صابر ولو طالت أيامه ..
.. يسهر وكل العباد رقود = مبطي عن الليل مانامه ..
.. لكن لجل غايه ومقصود = ماهمّه الوقت لو ضامه ..
.. مادام بعد التعب له فود = يتعب ولو هدّت عظامه ..

عمر الدغيلبي

11-19-2009, 04:48 AM

بعض النفوس إن دخلها شي ماتصفى = حتى لو إنك تحاول في تصفيها
وبعض القلوب المريضه مالها مشفى = تبطي كبار المشافي ما تداويها

عمر الدغيلبي

11-23-2009, 03:43 AM

قطره من بحر إعجاب في الشاعر المبدع / مشعان البراق :

الله على اللي قصيده يطرب القاري=لا من قريته يروق العين ماجابه
الشاعر اللي شهر بإبداعه الناري = في قمة الشعر و الجزلات مرقابه
جيته بقدم ولاء إعجاب بأشعاري= لو كان ماتوفي الأشعار لإعجابه

رد الرائع مشعان البراق :

http://www.montada.mergab.com/picture.php?albumid=7&pictureid=281

اللي تشوفه بـ.. فضل الواحد الباري = واللي تقوله من شعور ( اتحفوا به ) !
إعجابك يضاف لي في حسابي الجاري = رصيد .. والود : بنك ٍ ما انقفل بابه
ماهوب والله رصيد .. البايع الشاري = اللي بكشفه ما غير يراجع حسابه

عمر الدغيلبي

10-22-2010, 05:24 AM

فهد السنحاني :

لا تعد إمن الخساير دام راسك سالم = كل شي ٍ بيتعوض و البشر مفقوده
خص لا جاء واحد ٍ مثلك و علمه غانم = لا رحل سبب خساير ماهي بمحدوده

عمر الدغيلبي :

ما حسبت إلها وربي فالسماء بي عالم = دامها جت فالحديد و طقة ٍ محموده
ياعساني فدوة ٍ لك جعل عزك دايم = لا عدمتك و المشاعر منك لي مشهوده

.

وليف الجرح

10-22-2010, 05:45 AM

الحمد لله على السلامة يا عمر ~

عمر الدغيلبي

10-22-2010, 06:15 AM

عمر الدغيلبي :

جيت يا نزف الجروح وصدق طال غيابي = و البلا ظرف الزمان اللي عجزت أردّه
وأدري أنك ما قبلتي من حكيت أسبابي = مير ما باقي عذر عندي عليك أعدّه

نزف الجروح :

إن لفيت و رحت مفتوح ٍ بوجهك بابي = ويش يدفعني إلا من جيت عنك أصدّه
عذرك اللي قلت قد قلته هنا فكتابي = مير أخاف الحبل لا يقطع عليك بشدّه